Віцебшчына стала першапраходцам у арганізацыі мабільнай пошты. Апошняя — на колах — прыязджае ў населеныя пункты, дзе раней працавалі стацыянарныя аддзяленні сувязі, у самыя далёкія вёскі.
— Перасоўныя паштовыя аддзяленні дзейнічаюць амаль ва ўсіх раёнах Віцебскай вобласці. На сёння можна канстатаваць, што эксперымент сябе апраўдаў. У прынцыпе, пошта на колах адрозніваецца ад звычайнай толькі тым, што ў першую нельга ўвайсці. А ўсё астатняе — калі ласка. Можна атрымліваць перыёдыку, аплаціць за карыстанне мабільнай сувяззю ды іншыя паслугі, пагашаць крэдыты... Пры гэтым аплата бярэцца не толькі наяўнымі грашыма, але і з плацежных банкаўскіх картак. Многія нашы кліенты, якія жывуць у маленькіх вёсках, заўважылі, што мабільная пошта прыязджае проста з каралеўскай пунктуальнасцю і літаральна да хаты. Дрэннае надвор'е таксама не перашкода. Акрамя паштовых паслуг, у нас проста з колаў можна купіць розныя харчовыя і нехарчовыя тавары. А калі іх няма ў наяўнасці, можна зрабіць заказ, — распавядае Кацярына ЗІНКЕВІЧ, намеснік дырэктара Віцебскага філіяла рэспубліканскага ўнітарнага прадпрыемства «Белпошта».
Яна падкрэслівае, што ўсе нюансы кшталту графіка прыезду аўто, часу знаходжання пошты ў вёсцы і нават месца прыпынку, загадзя ўзгадняюцца з вяскоўцамі.
Аляксандр ПУКШАНСКІ
«Дзесяцігоддзі школьнае харчаванне нашых дзяцей будавалася на аснове зборніка рэцэптур».
Што за таемнымі дзвярыма?