Прафіцыт бюджэту сектара дзяржаўнага кіравання (рэспубліканскі бюджэт, мясцовыя бюджэты, дзяржаўны пазабюджэтны фонд сацыяльнай абароны насельніцтва Беларусі і дзяржаўны пазабюджэтны фонд універсальнага абслугоўвання Міністэрства сувязі і інфарматызацыі) за студзень-кастрычнік 2015 года склаўся ў суме Br23,6 трлн, або 3,3 працэнта да ВУП.
Даходы бюджэту сектара дзяржаўнага кіравання за студзень-кастрычнік склалі Br306,7 трлн, або 81,1 працэнта ўдакладненага гадавога плана. Даходы рэспубліканскага бюджэту - Br141,5 трлн, або 86 працэнтаў.
Паступленне ПДВ за студзень-кастрычнік склала Br62,7 трлн, або 82,1 працэнта ўдакладненага гадавога плана. Падатку на прыбытак паступіла Br18,4 трлн, або 88,9 працэнта. Акцызаў паступіла Br16 трлн, або 81,4 працэнта. Даходы ад знешнеэканамічнай дзейнасці склалі Br32,7 трлн, або 86,6 працэнта ўдакладненага гадавога плана. У Фонд сацыяльнай абароны насельніцтва паступіла Br85,8 трлн, або 74,1 працэнта зацверджанага гадавога плана.
На 1 лістапада запазычанасць па падатках і зборах склала Br1,3 трлн.
Расходы бюджэту сектара дзяржкіравання за студзень-кастрычнік склалі Br283,1 трлн, або 76,9 працэнта ўдакладненага гадавога плана. Расходы рэспубліканскага бюджэту - Br120 трлн, або 78 працэнтаў.
На агульнадзяржаўную дзейнасць накіравана Br49,1 трлн (74,5 працэнта), на фінансаванне нацыянальнай эканомікі - Br30,6 трлн (76,1 працэнта), на фінансаванне сацыяльнай сферы (сацыяльная палітыка, адукацыя, ахова здароўя, фізічная культура, спорт, культура і сродкі масавай інфармацыі, Фонд сацыяльнай абароны насельніцтва) - Br174,1 трлн (78,5 працэнта).
«Дзесяцігоддзі школьнае харчаванне нашых дзяцей будавалася на аснове зборніка рэцэптур».
Што за таемнымі дзвярыма?
