У магілёўскім Інстытуце тэхналогіі металаў НАН Беларусі адкрыўся ўчастак па поўным цыкле вытворчасці цвёрдасплаўнага інструмента. Праект рэалізаваны за кошт сродкаў інавацыйнага фонду Магілёўскага аблвыканкама. Удзел у мерапрыемстве прыняў старшыня прэзідыума Нацыянальнай акадэміі навук Беларусі Уладзімір Каранік, які азнаёміўся з інавацыйнымі распрацоўкамі супрацоўнікаў інстытута. Ён назваў падзею знакавай. 

Штогод у Мсціслаўскім раёне Магілёўшчыны рэалізуюцца дзясяткі праектаў, накіраваных на паляпшэнне якасці жыцця. І дэпутаты ў гэтым задзейнічаны непасрэдна. Як гэта робіцца, мы паназіралі на прыкладзе Капачоўскага сельсавета, дзе нядаўна правялі выязную сесію. Кіраўнікі арганізацый, прадстаўнікі райвыканкама, дэпутаты раённага і сельскага Саветаў дэпутатаў, старасты, члены Камітэта грамадскага тэрытарыяльнага органа самакіравання падзяліліся сваімі напрацоўкамі і намецілі новыя планы.