Да 19 кастрычніка ў Рэспубліканскай мастацкай галерэі «Палац мастацтва» будзе праходзіць «Асенні салон з Белгазпрамбанкам». Дзясяты раз выстаўка-продаж дэманструе зробленае найперш маладымі мастакамі за апошні час. Гэтым разам удзельнічае 260 пачаткоўцаў і сталых аўтараў з болей як 550 работамі — журы адабрала творы з амаль 1300 заявак. Гледачу, у сваю чаргу, трэба вызначыцца з найлепшымі згодна з уласным густам, бо традыцыйна фестываль завершыцца выстаўкай пераможцаў, якіх выберуць не толькі прафесіяналы, але і публіка.
