Да экзамену ў працэдуру праверкі ведаў адной з дзяржаўных моў унесены некаторыя змены. У Міністэрстве адукацыі растлумачылі, што змены ў пастанову ведамства № 161 «Аб пунктах ацэнкі ведаў дзяржаўнай мовы» былі ўнесены 29 кастрычніка пастановай № 185 і закранулі, у прыватнасці, уключэнне ў спіс пунктаў здачы экзаменаў яшчэ дзвюх беларускіх ВНУ.
Такім чынам, пералік ВНУ, дзе працоўным мігрантам можна здаць моўны экзамен, выглядае наступным чынам:
-
Брэсцкая вобласць — Брэсцкі дзяржаўны ўніверсітэт імя А. С. Пушкіна;
-
Віцебская вобласць — Віцебскі дзяржаўны ўніверсітэт імя П. М. Машэрава;
-
Гомельская вобласць — Гомельскі дзяржаўны ўніверсітэт імя Францыска Скарыны;
-
Гродзенская вобласць — Гродзенскі дзяржаўны ўніверсітэт імя Янкі Купалы;
-
Магілёўская вобласць — Магілёўскі дзяржаўны ўніверсітэт імя А. А. Куляшова;
-
г. Мінск — Беларускі дзяржаўны ўніверсітэт замежных моў, Беларускі дзяржаўны тэхналагічны і Беларускі нацыянальны тэхнічны ўніверсітэты.
Пастанова таксама прадугледжвае і максімальную колькасць месцаў ва ўстановах адукацыі для жадаючых здаць экзамен.
Алена ВІНАГРАДАВА
Фота Лізаветы ГОЛАД
