Сеткавае выданне zviazda.by

У сацыяльных сетках з гэтай нагоды стаіць гвалт: праз тыдзень з невялікім вучні 10-х класаў адправяцца на вучэбна-палявыя зборы. «Не пушчу», «Не аддам дзіця!», «Непаўналетнія, якія зборы з начлегам?!», «Яны яшчэ і грошы з бацькоў здзіраюць за зборы. Плаціць не буду!..» — гэта адзін бок. На другім — больш узважаныя і спакойныя развагі: «Менавіта так пачынаецца шлях ад юнака да мужчыны», «На бульбу ездзілі, у паходы хадзілі з настаўнікам. Нас жа адпускалі», «А ў кругласутачны лагер матулі сваіх дзяцей, прычым з сямі гадоў, таксама адпраўляюць з рыданнямі — не пушчу, не аддам?» Быць арбітрам у чужой спрэчцы — справа няўдзячная. Тут дапаможа толькі кампетэнтнае слова спецыялістаў, да якіх мы і звярнуліся, каб разам раскласці па палічках усе нюансы.

1 верасня 2025 года ў школах увялі абмежаванне на карыстанне мабільнымі тэлефонамі, прычым не толькі на ўроках. Як водзіцца, тэма імгненна завірусілася ў сацсетках, з розных бакоў пасыпаліся дыяметральна супрацьлеглыя меркаванні. «Навошта наогул дзецям у школе тэлефон?! Яны там павінны вучыцца, а не лайкаць відосікі, не забаўляцца рознымі відэагульнямі. Абсалютна правільнае рашэнне!..», «Гэта трэба было зрабіць даўно, у дзяцей ужо назіраецца моцная залежнасць ад гаджэтаў...», — спакойна і аргументавана разважалі адны. «Жорсткія абмежаванні створаць напружаную атмасферу ў навучальных установах!», «У бацькоў павінна быць магчымасць заўсёды быць на сувязі са сваімі дзецьмі...», — галасілі іх апаненты. Асабліва старанна «хваляваліся» за нашых школьнікаў мамы, якія з’ехалі за мяжу: «Вы парушаеце правы дзяцей! А вось у „еўропах“ усё па-іншаму...»

Адна з умоў паспяховага развіцця эканомікі — добрыя дарогі. Яны ж даюць доступ да медыцынскіх і сацыяльных паслуг, адукацыйных і культурных устаноў. Бяспеку на дарогах забяспечваюць якаснае дарожнае пакрыццё, кругласутачнае асвятленне, зручныя тратуары і пешаходныя пераходы. А ўкараненне інавацый дазваляе не толькі павысіць якасць і хуткасць будаўніцтва дарог, але і значна знізіць агульныя выдаткі на іх абслугоўванне.

Урачыстаму мерапрыемству не перашкодзілі ні моцны дождж, ні халоднае надвор’е — каля новага, святочна ўпрыгожанага корпуса сабраліся студэнты, выкладчыкі і шматлікія госці. Падзяліць з імі значную падзею прыбылі і намеснік Прэм’ер-міністра Віктар КАРАНКЕВІЧ, міністр адукацыі Андрэй ІВАНЕЦ, міністр энергетыкі Дзяніс МАРОЗ, кіраўнікі будаўнічых арганізацый і госці з Расіі — рэктары профільных ВНУ, з якімі ў галоўнага тэхнічнага ўніверсітэта краіны доўгае і трывалае супрацоўніцтва. 

Тут рыхтуюць кадры для хімічнай і нафтахімічнай прамысловасці, лясной гаспадаркі, дрэваапрацоўкі  і выдавецка-паліграфічнай дзейнасці

У Беларусі распрацоўваецца спецыяльная праграма прафілактыкі булінгу і фарміравання спрыяльнага сацыяльна-псіхалагічнага клімату ў школах. 

Пачатак красавіка 2026 года ў Беларусі прынёс трывожныя навіны: выпадкі шаленства сярод жывёл значна ўзраслі. У Брэсцкай вобласці, напрыклад, толькі за два першыя месяцы 2026 года было выяўлена 25 лабараторна пацверджаных выпадкаў захворвання — гэта ў 5 разоў перавышае паказчыкі аналагічнага перыяду мінулага года. У Гродзенскай вобласці з пачатку 2026 года зарэгістравана 11 выпадкаў шаленства.

66 287 чалавек — такая лічба гэтага года і рэкорд апошняга часу. Напрыклад, у 2025-м — 60 626. Такім чынам, у рамках ЦТ сёлета будзе напісана амаль 97,5 тысячы чалавека-тэстаў, паведаміў дырэктар Рэспубліканскага інстытута кантролю ведаў Дзмітрый МІРОНАЎ. Па яго словах, узрасла колькасць рэгістрацый і на цэнтралізаваны экзамен — яго сёлета будуць здаваць больш за 59,1 тысячы выпускнікоў 11-х класаў (летась — каля 57 тысяч), гэта амаль 118,2 тысячы чалавека-тэстаў.