У аўторак Прэзідэнт уручыў сімвалы Дзяржаўнага знака якасці. Гэтай высокай адзнакі прадукцыя шэрагу прадпрыемстваў уганаравана за адпаведнасць такім паказчыкам якасці, як бяспека, экалагічнасць, інавацыйнасць, тэхналагічнасць і эстэтычнасць. Сярод пераможцаў — тавары айчынных брэндаў, якія палюбіліся як беларусам, так і замежным спажыўцам. Размова не толькі пра прадукты харчавання, але і пра айчынныя сельгастэхніку і аўтамабілі, якія шчыруюць на палетках і калясяць па дарогах далёка за межамі нашай краіны.

Калі бяспеку сваёй прадукцыі вытворцы гарантуюць, то кантроль за выкананнем імі якасных паказчыкаў яшчэ актуальны. Таму адкрыццё абноўленага падраздзялення БелДІСС стала яшчэ адным крокам да ўмацавання даверу да беларускіх тавараў і стварэння дадатковых канкурэнтных пераваг для нацыянальных прадпрыемстваў.

Турызм імкнуцца развіваць практычна ўсе краіны — бедныя і больш заможныя, з аграрнай і прамысловай эканомікай, якія валодаюць выхадам да мора і размешчаныя ў глыбіні кантынентаў. У гэту сферу актыўна інвестуюць нават вельмі багатыя дзяржавы, якім з пункту гледжання эканомікі падарожнікі, магчыма, і не вельмі патрэбны. Справа ў тым, што індустрыя гасціннасці — гэта не толькі пра падарожжа, загружанасць гасцініц, грамадскае харчаванне, сферы розных забавак. Турызм — гэта магутны інструмент фарміравання іміджу краіны і прасоўвання яе эканамічных магчымасцяў. У тым ліку галіна фарміруе магутны канал рэалізацыі і прасоўвання спажывецкіх тавараў, пра што днямі казаў Прэзідэнт, прызначаючы дырэктара Нацыянальнага турыстычнага агенцтва.

Аналітыкі Еўразійскага банка развіцця прагназуюць паскарэнне тэмпаў росту беларускай эканомікі за кошт унутранага попыту на фоне высокага росту заробкаў і рэалізацыі інвестыцыйных праектаў пры падтрымцы дзяржавы. Падрабязнасці макраэканамічнага прагнозу — у нашым матэрыяле.

Рак малочнай залозы — самае распаўсюджанае анкалагічнае захворванне ў жанчын. Па ацэнках Сусветнай арганізацыі аховы здароўя, штогод у свеце рэгіструецца 2,2 мільёна новых выпадкаў. У некаторых развітых краінах гэта анкапаталогія ўжо апярэдзіла па смяротнасці сардэчна-сасудзістыя захворванні. Яе каварства ў тым, што на ранніх стадыях захворванне звычайна працякае бессімптомна. Жанчына нават не падазрае, што носіць у грудзях «бомбу запаволенага дзеяння». Часцей за ўсё пухліну знаходзяць выпадкова. І, на жаль, не рэдкасць, калі да гэтага моманту працэс ужо зайшоў занадта далёка. Аднак у выпадку анкалогіі менавіта ранняя дыягностыка і своечасова пачатае лячэнне — залог захавання жыцця 
і здароўя жанчыны. Як засцерагчы сябе і якія абследаванні праходзіць, расказала ўрач акушэр-гінеколаг 11-й гарадской паліклінікі Мінска Яўгенія МАСКАЛЬЧУК.

У ходзе галасавання сенатары выбралі Наталлю Паўлючэнка старшынёй Пастаяннай камісіі па адукацыі, навуцы, культуры і сацыяльным развіцці. Пасада была вакантнай пасля таго, як аднагалосным рашэннем VІІ Усебеларускага народнага сходу Сяргей Сівец быў выбраны старшынёй Канстытуцыйнага Суда. Наталля Паўлючэнка была прызначана членам Савета Рэспублікі Нацыянальнага сходу восьмага склікання Указам кіраўніка дзяржавы 15 студзеня 2026 года. Да гэтага яна ўзначальвала Міністэрства працы і сацыяльнай абароны.

Што ні дзень, то навіна аб павышэнні цэн у краіне-суседцы: то на вываз смецця, то на паслугі грамадскіх медыя, а пра цэннік на ацяпленне наогул маўчым — з-за дарагоўлі многія польскія абывацелі працягваюць карыстацца «брудным» палівам у зімні перыяд, што стварае праблему для здароўя саміх палякаў і экалагічную — для наваколля.

У сераду ў Авальнай зале Дома ўрада адбылося сумеснае пасяджэнне абедзвюх палат парламента. Галоўнай тэмай стала сацыяльная сфера ў сучасных умовах, яе магчымасці і выклікі — аб гэтым парламентарыям расказала профільны віцэ-прэм’ер Наталля Пяткевіч.

Падчас сумеснага пасяджэння парламентарыі маглі задаць пытанні запрошаным членам урада. 

Фатаграфія — гэта мастацтва, непадуладнае часу. Магію, калі спыняецца імгненне і фіксуецца на плёнцы, спасцігае мая новая цудоўная знаёмая Вера Лук’янаўна. 

Быць неабыякавымі і дапамагаць таму, хто ў гэтым мае патрэбу, нас вучылі з дзяцінства. Камусьці гэтыя навыкі спатрэбіліся дома — у доглядзе за пажылымі бабулямі або дзядулямі, а для кагосьці яны сталі часткай прафесіі. Без гэтых чалавечых якасцяў не ўяўляе сваёй працы калектыў Валожынскага тэрытарыяльнага цэнтра сацыяльнага абслугоўвання насельніцтва. Усяго на базе цэнтра функцыянуе пяць аддзяленняў. Грамадзян, якія карыстаюцца сацыяльнымі паслугамі ў паўстацыянарнай форме, — 159. Ёсць і тыя, каму неабходна дапамога ў хатніх умовах. Дакладна можна сцвярджаць адно: спецыялісты клапоцяцца аб усіх. Карэспандэнты «Звязды» пераканаліся ў гэтым, адправіўшыся ў раённы цэнтр.

Патэлефанаваў брат, каб павіншаваць з днём нараджэння. Бачымся, на жаль, рэдка, хаця жывём не за белым светам, а толькі ў розных абласцях Беларусі. Голас у трубцы такі родны, знаёмы, цёплы, нібы брат стаіць побач, толькі не бачу, як змяніўся знешне, бо ён прынцыпова не хоча карыстацца інтэрнэтам. Пэўна, гэта ўзрост... Старэйшы ж за мяне аж на 10 гадоў.