Напярэдадні новага навучальнага года ў Беларусі сфарміраваны «Рэестр беларускіх вытворцаў адзення для навучэнцаў устаноў адукацыі, якія рэалізуюць абавязковыя праграмы агульнай сярэдняй адукацыі».

Гісторыка-культурны турызм раскрывае ўнутраны змест нашай культуры, лічыць Ірына Варановіч, намеснік начальніка ўпраўлення па ахове гісторыка-культурнай спадчыны Міністэрства культуры. За першыя паўгода 2026-га фіксуецца павелічэнне турыстычнай плыні на знакавых гістарычных помніках Беларусі. Турыстаў прыцягваюць не толькі аб’екты сусветнай спадчыны, што занесеныя ў спіс ЮНЕСКА. У дзяржаўным спісе гісторыка-культурных каштоўнасцяў цяпер 5696 аб’ектаў, інфармацыя пра іх даступная для турыстаў, якія шукаюць не вельмі разрэкламаваныя аб’екты для наведвання.

Усё больш беларусаў аддаюць перавагу адпачынку і лячэнню на Радзіме, пакідаючы станоўчыя водгукі аб якасці і эфектыўнасці працэдур. У чым
перавагі і асаблівасці прафсаюзных санаторыяў, расказалі прадстаўнікі ФПБ.

Галоўны герой — вадзіцель Аляксандр КАРАНЕЎСКІ — працуе ў гэтай гаспадарцы 17 гадоў, 14 з іх — за рулём камбайна. З часам перасеў на МАЗ і некалькі гадоў працуе на адвозцы збожжа. А ў сельскую гаспадарку ён прыйшоў па прыкладзе бацькі, які таксама працаваў тут вадзіцелем.

Лес заўсёды быў для чалавека каштоўнай крыніцай самых разнастайных рэсурсаў. Ён абаграваў, даваў матэрыял для будаўніцтва, а таксама карміў і лячыў, таму што багаты на самыя разнастайныя рэсурсы: ягады, арэхі, лекавыя і духмяныя расліны. Развіццё земляробства і жывёлагадоўлі ў прамысловых маштабах, з аднаго боку, знізілі каштоўнасць гэтай прыроднай скарбонкі, з другога — значна яе павысілі. Прадукт, вырашчаны прыродай, без якога-небудзь умяшання чалавека, ужо апрыёры з’яўляецца арганічным. А на цалкам натуральныя прадукты попыт толькі расце. І ў беларускіх хвойніках, ельніках і дубровах тоіцца нявыкарыстаных рэсурсаў на сотні мільёнаў рублёў, а ў перапрацаваным выглядзе — лік ідзе на мільярды.

Аб'ём унутранага рынку і доля продажаў айчынных тавараў на ім — катэгорыя не толькі эканамічная. Гэта заўсёды быў адзін з ключавых індыкатараў нацыянальнай бяспекі. І ў апошнія гады яго значэнне толькі ўзрасло, прычым не толькі ў Беларусі. 

Сёння жніво праходзіць у няпростых умовах надвор’я і вельмі важна, каб кожная сонечная хвіліна працавала на будучы ўраджай. А для гэтага трэба, каб тэхніка ўвесь час была на хаду. І ў гэтым аграрыям Магілёўшчыны сур’ёзна дапамагае ААТ «Задняпроўскі міжрайаграсэрвіс» — дылер МТЗ, «Гомсельмаша», Мінскага маторнага завода і шэрагу іншых прадпрыемстваў, якія выпускаюць прадукцыю для патрэб сельскай гаспадаркі. Супрацоўнічае і з замежнымі партнёрамі.

У падтрымку сем’яў дзяржава ўкладвае значныя рэсурсы. Толькі на выплату дапамог сёлета накіравана звыш чатырох мільярдаў рублёў. 
Па праграме сямейнага капіталу адкрыта 155 000 рахункаў. Дадатковыя меры падтрымкі — жыллёвыя льготы, працоўныя гарантыі і высокатэхналагічная медыцына. Наколькі эфектыўныя згаданыя інструменты і як выхаваць у моладзі культуру вялікай сям’і? Гэтыя актуальныя для беларускага грамадства пытанні эксперты абмяркоўвалі на пляцоўцы тэлеканала «Першы інфармацыйны».

Нездарма кажуць: рыхтуй сані летам. Гэту народную мудрасць добра засвоілі адказныя за тое, каб у нашых дамах і розных установах зімой была камфортная тэмпература. Комплекс арганізацыйных і тэхнічных мерапрыемстваў ахоплівае ўсю неабходную інфраструктуру і прадпрыемствы паліўнага комплексу. Па словах прадстаўнікоў профільных ведамстваў, падрыхтоўка вядзецца згодна з зацверджанымі графікамі, глабальных праблемных пытанняў не ўзнікае. Ёсць адпаведная пастанова Савета Міністраў.

У прадпрыемстваў узнікаюць праблемы не толькі з-за знешніх абставін, дрэннай кан’юнктуры рынку, слабай тэхналагічнай базы і інш. Нярэдка кампанія пачынае прыходзіць у заняпад, калі супрацоўнікі перастаюць у яе верыць. Карпаратыўны дух — катэгорыя псіхалагічная, паддаецца алічбоўцы вельмі ўмоўна і абстрактна. Тым не менш уцягнутасць супрацоўнікаў — адзін з ключавых фактараў, які ўплывае на эканамічныя паказчыкі, перш за ўсё на інавацыйнасць і прадукцыйнасць працы. А праз іх на іншыя фінансава-эканамічныя вынікі работы кампаніі.