Сеткавае выданне zviazda.by

Прыём дакументаў ад абітурыентаў на навучанне па «мэтавай» траекторыі будзе ажыццяўляцца да 2 ліпеня. З 27 чэрвеня да 1 ліпеня таксама прымуць дакументы на паступленне ў ВНУ і ад прызёраў універсітэцкіх алімпіяд, іх залічэнне пройдзе да 2 ліпеня. У Міністэрстве адукацыі агучылі, што ў 2025 годзе больш за 400 арганізацый у Беларусі падалі заяўкі на мэтавыя месцы ва ўніверсітэты. На адпаведную падрыхтоўку ў вышэйшых навучальных установах выдзелена каля 5,3 тысячы месцаў, з якіх 2,3 тысячы — на медыцынскія спецыяльнасці і 1,2 тысячы — на сельскагаспадарчыя. Колькасць мэтавых месцаў у ССНУ — 890 па 70 спецыяльнасцях.

Дні 21 і 22 чэрвеня сталі другім шанцам для выпускнікоў, якія па ўважлівых прычынах не змаглі прыняць удзел у цэнтралізаваным экзамене ў асноўныя тэрміны, прайсці выпрабаванні і атрымаць магчымасць паступіць у вышэйшую навучальную ўстанову.

Як павысіць якасць і прэстыж аграрнай адукацыі? Якія новаўвядзенні плануюцца ў праграмы навучання і падрыхтоўкі будучых спецыялістаў? Якія прафесіі найбольш запатрабаваныя? Якія матэрыяльныя стымулы і гарантыі прадугледжаны для маладых спецыялістаў аграрных прафесій? З гэтымі пытаннямі мы звярнуліся да начальніка Галоўнага ўпраўлення адукацыі, навукі і кадравай палітыкі Міністэрства сельскай гаспадаркі і харчавання Рэспублікі Беларусь Уладзіміра Самсановіча.

Для тых, хто па ўважлівых прычынах не змог прайці ЦЭ і ЦТ разам з усімі, шанц нагнаць астатніх прадставіцца 19, 21 і 23 чэрвеня. У гэтыя дні абітурыентаў на выпрабаванні будзе чакаць Беларускі дзяржаўны ўніверсітэт. У выпрабаваннях прымуць удзел 671 чалавек, з іх у цэнтралізаваным экзамене — 242 (у 2024 годзе — 227), у цэнтралізаваным тэсціраванні — 429 (у 2024-м — 395).

12 чэрвеня пачаўся прыём дакументаў у першыя класы беларускіх школ і гімназій. Чакаецца, што сёлета ўстановы адукацыі прымуць 90 тысяч першакласнікаў. Працэс будзе адбывацца згодна з новымі хутчэй не правіламі, а мерамі, якія дапамогуць дзецям і іх бацькам зрабіць першы крок у краіну ведаў максімальна зручным і справядлівым. Яны таксама дазволяць атрымліваць актуальную інфармацыю па прыёме ва ўстанову адукацыі не выходзячы з дому — усё размешчана на сайтах школ і гімназій.

Цэнтралізаваны экзамен па рускай і беларускай мовах здавалі 56,7 тысяч выпускнікоў школ. Большасць — 46 тысяч школьнікаў — вырашылі праверыць сябе ў веданні рускай мовы, адпаведна, 10,7 тысяч выбралі беларускую. І тыя, і другія, на думку спецыялістаў Міністэрства адукацыі, паказалі добры вынік. 

Сёлета на гэтыя дні зарэгістравацца дазволена толькі тым абітурыентам, якія па ўважлівых прычынах не змаглі прайсці ЦТ у асноўныя. Напрыклад, з-за хваробы або іншых незалежных ад іх абставін, пацверджаных дакументальна. Для таго каб запісацца на праходжанне ЦТ у рэзервовы дзень, абітурыент павінен асабіста або праз законнага прадстаўніка ці прадстаўніка, які дзейнічае на падставе даверанасці, падаць дакументы ў адзін з пунктаў рэгістрацыі. Сёлета рэзервовымі днямі для правядзення ЦТ вызначаны 19, 21 і 23 чэрвеня. Запісацца на іспыты можна па 12 чэрвеня ўключна.

Як паведамілі ў Міністэрства адукацыі Беларусі, стобальныя вынікі ёсць па 13 вучэбных прадметах. 

5 чэрвеня прайшло тэсціраванне па другім профільным прадмеце. Яго ўдзельнікі здавалі гісторыю Беларусі, грамадазнаўства, хімію і фізіку — прадметы, якія неабходны для паступлення на такія спецыяльнасці, як юрыспрудэнцыя, паліталогія, журналістыка, сацыялогія, культуралогія і педагогіка. Хімія і фізіка — для тых, хто паступае на тэхнічныя, прыродазнаўчанавуковыя і медыцынскія спецыяльнасці.

Моладзь праходзіла тэсціраванне па матэматыцы, біялогіі, замежнай мове (англійскай, нямецкай, французскай, іспанскай і кітайскай), геаграфіі, сусветнай гісторыі (найноўшы час), гісторыі Беларусі ў кантэксце сусветнай гісторыі.