Сеткавае выданне zviazda.by

На пляцоўцы Дома культуры былі абмеркаваны дасягненні нашай краіны за яе 30-гадовы незалежны шлях, сучаснае сацыяльна-эканамічнае становішча Беларусі. У прыватнасці, размова ішла аб дасягненнях у сацыяльнай сферы, якія істотна палепшылі якасць жыцця насельніцтва. За тры дзесяцігоддзі ў два разы павялічылася працягласць дарожнай сеткі, у паўтара — цвёрдае пакрыццё на транспартных магістралях. Колькасць легкавых аўтамабіляў у насельніцтва вырасла з 500 тысяч у сярэдзіне 90-х гадоў да трох мільёнаў сёння.

Выставачны праект «Стагоддзе беларускага кіно» пакажуць 17 і 18 студзеня ў Гродне падчас грамадска-культурнай акцыі «Марафон адзінства». Пра гэта паведаміла загадчыца Музея гісторыі беларускага кіно, філіяла Нацыянальнага гістарычнага музея Беларусі, Вераніка Себруковіч.

Аб рабоце ў сваёй Каменнагорскай 102-й акрузе (горад Мінск) дэпутат Палаты прадстаўнікоў Міхаіл Мірончык расказвае так: «Яшчэ да пачатку работы нашага склікання я цалкам сышоў „у народ“: меў зносіны з працоўнымі калектывамі і кіраўнікамі, часам нават не афіцыйна, а ў рамках звычайнай гутаркі. Па сакрэце скажу, бывалі выпадкі, калі стараўся няўзнак завязаць размову з жыхарамі маёй акругі, як бы выпадкова, напрыклад, у краме. Так што, калі здарыўся момант самога „знаёмства“, я быў ужо дасведчаны аб тым месцы, аб той акрузе і раёне, на карысць якой мне трэба будзе працаваць наступныя некалькі гадоў»...

Салігорск, як вядома, — горад шахцёрскі. І жыхары ў ім — упэўненыя людзі з моцным характарам, якія не пацерпяць няшчырасці. З імі прасцей працаваць чалавеку, які вырас у іх асяроддзі, які ведае ўсе праблемы знутры. Як, напрыклад, дэпутату Палаты прадстаўнікоў ад Салігорскай гарадской 68-й акругі Алене Хаміцэвіч.

Рэспубліка Беларусь з 1 студзеня трэці раз прыняла старшынства ў органах Еўразійскага эканамічнага саюза (ЕАЭС). 2025 год для Саюза будзе знакавым: завяршаецца пяцігодка рэалізацыі Стратэгічных кірункаў развіцця гэтай рэгіянальнай арганізацыі і закладваецца фундамент ажыццяўлення Дэкларацыі аб далейшым развіцці эканамічных працэсаў у рамках ЕАЭС да 2030 года і на перыяд да 2045 года «Еўразійскі эканамічны шлях».

«Усё створанае трэба захаваць», — такую думку Старшыня Палаты прадстаўнікоў, дэпутат па Пастаўскай выбарчай акрузе № 29 Ігар Сергяенка агучыў падчас сустрэчы з насельніцтвам і працоўнымі калектывамі Пастаўскага раёна.

Аматары творчасці знакамітага рускага жывапісца Ільі Рэпіна, калі ўзнікне неабходнасць, без асаблівых цяжкасцей прыгадаюць найбольш вядомыя яго творы, назваўшы «Іван Грозны і сын яго Іван», «Бурлакі на Волзе», «Запарожцы пішуць пісьмо турэцкаму султану», «Дзяржаўны савет», «Хрэсны ход у Курскай губерні», а таксама іншыя, што ўвайшлі ў залаты фонд мастацтва.

Пакуль адны жартуюць пра адлігу зімой, іншыя выпрабоўваюць сябе на смеласць — выходзяць на лёд, які дзе-нідзе ўсё-такі ўтварыўся. Менавіта да такіх жартаўнікоў у сваім акаўнце TіkTok з іроніяй звяртаецца і Міністэрства па надзвычайных сітуацыях, апублікаваўшы відэа пра адзінокага чалавека на льдзіне, вакол якога — вада. Гучыць песня са знакамітага мультфільма. І надпіс з тэкстам: «Не выходзь на лёд, калі ты не маманцяня».

Падчас першага ў новым годзе пасяджэння другой сесіі Палаты прадстаўнікоў Нацыянальнага сходу восьмага склікання дэпутаты прынялі шэраг важных заканадаўчых рашэнняў, якія накіраваны на паляпшэнне кадравай сітуацыі ў сельскагаспадарчай сферы, даступнасць спажывецкага крэдытавання і спрашчэнне банкаўскіх працэдур, удасканаленне крымінальнага заканадаўства. Прынятыя законапраекты міжнароднага характару сведчаць аб шматвектарнасці знешняй палітыкі Беларусі, нашай адкрытасці да ўзаемавыгаднага супрацоўніцтва.

Кожны год модны свет з нецярпеннем чакае абвяшчэння галоўнага колеру ад Pantone — своеасаблівага барометра будучых тэндэнцый у модзе, дызайне і мастацтве. У 2025 годзе на гэты п’едэстал гонару ўзыходзіць адценне, якое атрымала назву «Mocha Mousse» (PANTONE 17-1230) — цёплы карычневы. Ён нагадвае пяшчотны салодкі мус.