Сеткавае выданне zviazda.by

Ключавая перспектыва развіцця сталічнага транспарту, пазначаная і кіраўніком дзяржавы, — будаўніцтва чацвёртай лініі метрапалітэна. На старце ўзвядзення гэтай лініі будаўніцтва будзе весціся ў бок «Паўночнага берага», паведаміў дырэктар ААТ «Мінскметрапраект» Міхаіл Рудзько.

Многія чулі сцвярджэнне, што транспарт — гэта крывяносная сістэма эканомікі краіны. Каб пераканацца ў справядлівасці гэтых слоў, дастаткова на хвіліну ўявіць, што транспарт, які перавозіць пасажыраў, раптам спыніўся хоць бы на гадзіну... Але такога, на шчасце, у нас не здараецца. Увесь наземны транспарт сталіцы працуе як гадзіннік — пачынае раней за ўсіх і заканчвае, калі ўжо адлічвае хвіліны новы дзень.

У рамках работ па правядзенні Года добраўпарадкавання прадугледжана рэалізацыя 47 мерапрыемстваў і створаны рэспубліканскі штаб, расказала намеснік начальніка ўпраўлення біялагічнай і ландшафтнай разнастайнасці Міністэрства прыродных рэсурсаў і аховы навакольнага асяроддзя Людміла Барташэвіч. Пасяджэнні будуць праводзіць не радзей чым раз у квартал.

12 сакавіка ў Мінску адкрылася XXXII Мінская міжнародная кніжная выстаўка-кірмаш. Больш за 20 краін прадстаўляюць на гэтым асветніцкім форуме сотні, тысячы новых кніг, выдадзеных у розных кутках свету. І не згубяцца, відавочна, сярод гэтага мноства шматколерных вокладак і кнігі беларускіх пісьменнікаў з паэтычнымі і празаічнымі творамі ў перакладзе на іншыя мовы. Пра гэта — наша размова са старшынёй Саюза пісьменнікаў Беларусі Алесем Карлюкевічам.

Выставы, віктарыны, інфармацыйныя ўрокі — па ўсёй краіне праходзяць урачыстыя мерапрыемствы, прысвечаныя Дню Канстытуцыі Рэспублікі Беларусь. Гэта ўжо традыцыя, якой не адзін дзясятак гадоў. Ёсць яшчэ адна: напярэдадні і ў дзень, калі быў прыняты Асноўны Закон дзяржавы, беларускім школьнікам уручаюць іх галоўны дакумент — пашпарт. У гэты момант юнакі і дзяўчаты становяцца паўнапраўнымі грамадзянамі, бяруць на сябе адказнасць за будучыню краіны.

У Бярэзінскім райвыканкаме быў арганізаваны збор кіраўнікоў задзейнічаных арганізацый, штаба кіраўніцтва вучэнняў пры ўдзеле начальніка Мінскага абласнога ўпраўлення МНС Сяргея Лапановіча. Кіраўнікі раённых службаў і арганізацый далажылі аб магчымасцях, наяўных сіл і сродкаў па ліквідацыі розных НС.

Шмат новых эмоцый і незабыўных уражанняў дорыць гасцям XXXІІ Мінская міжнародная кніжная выстаўка-кірмаш. Трэці дзень быў прысвечаны Расійскай Федэрацыі. Так, усе ахвотныя маглі пагутарыць з любімымі пісьменнікамі, узяць аўтограф і зрабіць фота на памяць. Таксама можна было прагуляцца па адукацыйным квартале і атрымаць шмат новых і карысных ведаў.

Цырымонія адкрыцця Міжнароднага квартала на палях XXXІІ Мінскай міжнароднай кніжнай выстаўкі-кірмашу — адно з першых маштабных мерапрыемстваў у рамках беларускага старшынства ў органах ЕАЭС. Яго мэта — даць магчымасць акрэдытаваным у нашай краіне дыпламатычным місіям, замежным кнігавыдаўцам і аўтарам шырока прадставіць літаратурныя дасягненні сваіх краін.

Кніга ў нашы дні — надзейны канал камунікацыі паміж пакаленнямі і эпохамі.​ Такім меркаваннем на адкрыцці XXXII Мінскай міжнароднай кніжнай выставы-кірмашу падзяліўся намеснік кіраўніка Адміністрацыі прэзідэнта Уладзімір Пярцоў, перадае БелТА.

Напярэдадні важнага дзяржаўнага свята — Дня Канстытуцыі — 40 сталічным школьнікам, якія дасягнулі поспехаў у вучобе, спорце або грамадскай дзейнасці, уручылі пашпарты. Урачыстае мерапрыемства адбылося ў Мінскай гарадской ратушы. Удзел у цырымоніі ўзялі старшыня Мінскага гарвыканкама Уладзімір Кухараў, памочнік Прэзідэнта — інспектар па гораду Мінску Юрый Фралоў, старшыня Мінскага гарадскога Савета дэпутатаў Арцём Цуран, першы намеснік начальніка ГУУС Мінскага гарвыканкама — начальнік міліцыі грамадскай бяспекі Андрэй Бакач, першы сакратар Мінскага гарадскога камітэта ГА БРСМ, дэпутат Мінскага гарадскога Савета дэпутатаў Раман Бандарук.