Сеткавае выданне zviazda.by

У першым чытанні на сесіі Палаты прадстаўнікоў разгледжаны законапраект «Аб змяненні законаў па пытаннях забеспячэння правоў дзяцей», якім узмацняюцца гарантыі дзяржаўнай абароны правоў і законных інтарэсаў дзяцей. Акрамя таго, істотныя змяненні чакаюцца ў сферы рэгулявання аўдытарскай дзейнасці. Аднак перш чым прыступіць да абмеркавання вынесеных на разгляд дэпутатаў законапраектаў, Старшыня Палаты прадстаўнікоў Ігар СЕРГЯЕНКА агучыў перад парламентарыямі шэраг задач. Асноўны пасыл — дэпутацкі корпус павінен актыўна падключыцца да інфармавання грамадскасці яшчэ на этапе распрацоўкі заканадаўчых ініцыятыў.

У мастацкай галерэі «Універсітэт культуры» працуе ІІІ Міжнародны адкрыты фестываль-выстаўка дзіцячага выяўленчага мастацтва «Свет, у якім я жыву...». Праект прысвечаны міжнароднаму дню мастака і рэалізоўваецца з 2019 года Лагойскай дзіцячай школай мастацтваў.

Сувязь Канстанціна Сіманава з Беларуссю — гэта найперш абарона горада Магілёва, знакамітае Буйніцкае поле, над якім развеяны яго прах. Але ў чэрвені 1941 года ён выпадкова аказаўся і ў раёне Барысава, дзе праходзіў рубеж абароны на рацэ Бярэзіне. Супраць гітлераўцаў змагаўся гарнізон, які ўзначаліў начальнік танкавага вучылішча карпусны камісар Іван Сусайнікаў. Сітуацыя склалася крытычная. Пазней Канстанцін Сіманаў успамінаў: «Нічога нельга было зразумець. Па дарогах патокам ішлі войскі і машыны: адны — у адзін бок, іншыя — у другі. Кружыліся нямецкія самалёты... Страшэнныя гарачыня і пекла... Ніхто нічога не ведаў... Нагняталі абстаноўку дзеянні шматлікіх дыверсійных груп, пераапранутых у савецкую ваенную форму, форму НКУС і міліцыі. Іх задача была справакаваць паніку, весці разведку, а ў начны час нападаць на нашы часці з тылу».

Рашэнне пра гэта прыняў кіраўнік дзяржавы, яно зацверджана асобным указам 5 лютага. Справа адметная ад пачатку, бо праз свой удзел у ёй могуць зрабіць унёсак у гісторыю і культуру краіны людзі ва ўзросце да 31 года. Статус — «Усебеларуская маладзёжная будоўля» — падкрэслівае неабходнасць далучэння да нацыянальнай спадчыны пакалення, якое скіравана на будучыню.

У экспазіцыі, якая падрыхтавана аддзелам мастацтваў Гродзенскай абласной навуковай бібліятэкі, сабрана больш за 260 экспанатаў. Большасць з іх прадастаўлены калекцыянерамі, некаторыя спецыяльна для выстаўкі падрыхтавалі наведвальнікі цэнтра сацыяльнай рэабілітацыі. Аказалася, што лялечны свет не толькі прыгожы, але і вельмі пазнавальны.

Для аматараў творчасці Антона Паўлавіча Чэхава ў Нацыянальнай бібліятэцы адкрылася выстаўка «Чэхаў. Мастацтва натхнення», прысвечаная 165-годдзю класіка рускай літаратуры. У экспазіцыі — мастацкае пераасэнсаванне знакамітых твораў пісьменніка, партрэты, пейзажныя замалёўкі, графічныя работы беларускіх майстроў.

Нацыянальны мастацкі музей запрашае на выставачны праект «Сцяг Перамогі», прысвечаны святкаванню 80-годдзя Вялікай Перамогі і заканчэння Вялікай Айчыннай вайны. На мастацкіх палотнах — мужныя героі тых часоў у эпіцэнтры жорсткіх падзей, якія назаўсёды пакінулі крывавы след на старонках нашай гісторыі.Праект арганізаваны Расійскім клубам праваслаўных мецэнатаў і грамадскім аб’яднаннем «Рускае культурна-асветніцкае таварыства». Аўтарам канцэпцыі з’яўляецца член праўлення жывапіснай секцыі Маскоўскага саюза мастакоў, народны мастак Расійскай Федэрацыі, акадэмік Расійскай акадэміі мастацтваў Пётр Стронскі.

Свет беларускіх паданняў, таямнічых гісторый і містычных падзей — тое, што захапляе і прыцягвае, бо, у якім бы стагоддзі ты ні жыў, мінулае нагадвае пра сябе праз нейкія вобразы, дэталі, рэчы, якія мы часам знаходзім у старым куфры, што захоўваецца недзе ў вясковай хаце і памятае продкаў, якія маглі б распавесці і патлумачыць шмат. І калі такі куфар, запоўнены рукатворнымі цудамі, прыязджае ў тэатр, то дзеля адказнай місіі.

Навіна аб тым, што з 10 лютага 2025 года з прыняццем адпаведнай пастановы Савета Міністраў Рэспублікі Беларусь змяняецца парадак налічэння стаўкі ўтылізацыйнага збору на транспартныя сродкі (не толькі вырастуць належныя да выплаты сумы, але і пашырыцца пералік тэхнікі, на якую будуць распаўсюджвацца гэтыя тарыфы), сярод аўтааматараў стала рэзананснай. «Аўтамабілі падаражэюць!» — панеслася па сацсетках. Як і ў любых падобных агульных сцвярджэнняў тут ёсць нямала нюансаў, на якія крытыкі ўсяго і ўся свядома закрываюць вочы.

Выстава «Свет веера», «Адкрываючы нябачны сусвет», «Белавежская пушча», «Візіт старой дамы», спектакль «Закладнікі кахання», «Фініст. Першы волат», «Доктар фiласофii», «Аклады для абразоў. Традыцыі і сучаснаць», музычны вечар «Вячэрняя маліна», «Месяц Сальеры», сімфанічны аркестр «Чырвоная капэла» і «Пётр I — жыццё і дзеі» — штотыднёвая афіша «Звязды».