Сеткавае выданне zviazda.by

Сям’я ў структуры каштоўнасцяў беларускай моладзі мае высокую значнасць. Пра гэта паведаміў старшыня Беларускага камітэта маладзёжных арганізацый (БКМА) Павел Алекса, каментуючы дадзеныя праведзеных сацапытанняў.

Наша гераіня мае шмат захапленняў, але асаблівае месца адведзена музыцы. Ёю Амалія Сухан займаецца ўжо пяць гадоў пад кіраўніцтвам вопытнай каманды ў Гранд-студыі мастацтваў «Malіnovka by Spamash». У пошуках уласнага рэцэпта прафесіяналізму дзяўчына паспела, напрыклад, паказаць сябе на Міжнародным конкурсе эстраднай песні «Халі-Хало — 2023» (Гран-пры), на тэлешоу «Голас. Дзеці», на шматлікіх канцэртах. А сёлета перамагла на нацыянальным адборы на Міжнародны дзіцячы музычны конкурс «Віцебск-2025». Сустрэліся з юнай артысткай, каб распытаць пра конкурснае закуліссе, жыццё па-за сцэнай і наступныя крокі да поспеху.

У Наваполацку стартаваў ваенна-патрыятычны квэст «Код памяці» ад Маладзёжнага савета пры Савеце Рэспублікі.

Прайшоў год работы дэпутатаў Баранавіцкага гарадскога Савета 29-га склікання. Утворана шэсць пастаянных камісій, у якіх працуюць дэпутаты. Пра некаторыя вынікі першага года работы, аб тым, як працягваюцца справы папярэднікаў і нараджаюцца новыя ініцыятывы, пра шэфства над маладзёжным парламентам сённяшняя гутарка са старшынёй Баранавіцкага гарадскога Савета Віктарам Каласоўскім.

Сёння мы закранулі тэму сярэдняй спецыяльнай і прафесійна-тэхнічнай адукацыі і пошуку месца ў гэтай сферы для дзяўчат. Так ужо павялося, што сённяшнія каледжы, а раней — вучылішчы і тэхнікумы, не лічацца тым самым лепшым месцам, дзе прадстаўніцы прыгожага полу могуць паспяхова працягваць сваю адукацыю. Гэты стэрэатып прыводзіць да таго, што многія дзевяцікласніцы як учора, так і сёння аўтаматычна паступаюць у старшую школу і нават не разглядаюць іншыя варыянты. Але на сучасныя каледжы і тэхнікумы ім варта звярнуць увагу. Дэталёва ў гэтых і іншых пытаннях мы разбіраемся разам з начальнікам упраўлення прафесійна-тэхнічнай і сярэдняй спецыяльнай адукацыі Міністэрства адукацыі Беларусі Аляксандрай Пятровай.

Прадстаўнікі ўсіх гарадоў-герояў Беларусі і Расіі сабраліся гэтымі днямі ў Мінску. У нашай краіне праходзіць маладзёжны форум «Нашчадкі Вялікай Перамогі», які прымеркаваны да 80-й гадавіны Перамогі савецкага народа ў Вялікай Айчыннай вайне. Каля паўсотні ўдзельнікаў з Мінска, Масквы, Санкт-Пецярбурга, Валгаграда, Мурманска, Смаленска, Тулы, Керчы, Новарасійска, Севастопаля і Брэста не толькі пазнаёмяцца з памятнымі мясцінамі Беларусі, такімі як Хатынь, Курган Славы, Брэсцкая крэпасць, але і раскажуць пра гераічнае мінулае свайго горада, падзеляцца асабістым вопытам работы па захаванні гістарычнай памяці. Мерапрыемства арганізавана Федэрацыяй прафсаюзаў Беларусі.

Дзяржава дае ўсе магчымасці для працаўладкавання моладзі з асаблівасцямі псіхафізічнага развіцця (АПФР), адзначыла старшыня Савета Рэспублікі Наталля Качанава на кансультатыўным савеце па пытаннях сацыяльнай адаптацыі і інтэграцыі дзяцей з асаблівасцямі псіхафізічнага развіцця, перадае БелТА.

Сёння ўдзяляецца асаблівая ўвага падтрымцы маладых вучоных, развіццю і ўкараненню іх распрацовак у рэальных сектарах эканомікі. Для гэтага ў нашай краіне ёсць мноства інструментаў — ад дзяржаўных прэмій да міжнародных навуковых форумаў. Пра асноўныя з іх распавялі падчас прэс-канферэнцыі «Моладзь у навуцы: стымуляванне навукова-тэхнічнага і інавацыйнага патэнцыялу Беларусі. Новыя магчымасці для магістрантаў і аспірантаў у 2025 годзе».

Нашы думкі здольныя на многае. Дастаткова толькі пажадаць зрабіць свет крыху лепшым, як адразу ў галаве пачынаюць варушыцца дзясяткі ідэй. Важна толькі не пабаяцца іх рэалізаваць: не спыніцца на этапе задумы, адшукаць сродкі, падключыць аднадумцаў... Менавіта так і робяць удзельнікі рэспубліканскага маладзёжнага праекта «100 ідэй для Беларусі». І вось мы бачым дзясяткі натхнёных і амбіцыйных школьнікаў і студэнтаў, якія жадаюць паказаць свету свае здольнасці. Расказваем, якія праекты яны прадэманстравалі на абласным этапе конкурсу ў Гродне.