Сеткавае выданне zviazda.by

Апошнім часам знакаміты расійскі тэатр з Пермі і яго стваральнік вядомы рэжысёр Сяргей Фядотаў працуюць у цеснай узаемасувязі з заслужаным калектывам «Магілёўскі абласны драмтэатр». І дастаткова рэгулярна балуюць магілёўскую публіку сваімі захапляльнымі спектаклямі. Мінулай восенню гэта былі дзве яскравыя «грузінскія» пастаноўкі «Мачаха Саманішвілі» і «Ханума», білеты на якія раскупілі яшчэ за месяц да іх паказу. На гэтым тыдні гледачы прычыніліся да сюжэтаў твораў вядомых класікаў Міхаіла Булгакава «Сабачае сэрца» і Фёдара Дастаеўскага «Ідыёт». Артыстам апладзіравалі стоячы, не адпускаючы са сцэны. Уражанні вельмі моцныя. Створаныя артыстамі вобразы Настассі Філіпаўны, князя Мышкіна, купца Рагожына, іншых герояў рамана «Ідыёт», настолькі арганічна жылі на сцэне, што здавалася — не яны прыйшлі да нас у госці, а мы перанесліся ў іх час. Дэкарацыі, сцэнаграфія — захапіла ўсё. Дзеля такіх эмоцый і трэба хадзіць у тэатр.

Сёння ў гасцях «Чырвонкі. Чырвонай змены» ракавая брунетка, уладальніца рэдкага голасу, артыстка Вялікага тэатра Анастасія Малашкевіч. Яе імя стала вядомым шырокаму колу гледачоў пасля праекта «Фактар.by». Сёння оперная дзіва ідзе на смелыя эксперыменты з вобразамі, яркімі шоу і новымі ролямі на сцэне. Яна ўдала сумяшчае класічныя спевы і эстрадны вакал. Яе дзень распісаны па хвілінах, але вакалістка паспявае ўсё. Як сцвярджае оперная дзіва, гэта выключна частка прафесіі, у жыцці яна зусім іншая...

Жыццялюб, жартаўнік і чалавек, у якога безліч гісторый пра людзей, з каторымі яму выпала працаваць і быць знаёмым. Ён мог бы напісаць цудоўную кнігу ўспамінаў пра легендарных артыстаў легендарнага тэатра. Але ён і сам ужо легенда — народны артыст Беларусі, народны артыст СССР. І ў яго жыцці быў толькі адзін тэатр, любоў да якога ён нясе больш за 60 гадоў. Пра любоў — у розных праявах — і пайшла наша размова:

У лютым народнай артыстцы Беларусі даверылі адкрыць новы праект Вялікага тэатра «Жыццё ў прафесіі». Але яе багатае прафесійнае жыццё працягваецца, нягледзячы на перажытую цяжкую траўму, і неаддзельнае ад жаночага лёсу, у якім ёсць безумоўнае шчасце: Ірына — маці траіх дзяцей. Таму дзіўна, што для бенефісу прымы-балерыны абралі спектакль «Ганна Карэніна»...

Бэбі Салон Кацянят-2025! «Зімовыя Легенды», «Капітан Крук», «Казка пра вясёлага эльфа і злую вядзьмарку», «Дзеці лесу», «Знаёмства бацькоў», «ON і Яна», «Як воўк мамай быў», «Аклады для абразоў. Традыцыі і сучаснаць», хіты Луі Армстронга пра каханне да Дня Валянціна, спектакль тэатра лялек «Фро», спектакль «Ганна Карэніна» і гульнявая выстава «Чапай, гуляй, здзіўляйся» — штотыднёвая афіша «Звязды».

Містычны тэатр «Ля Моста» працягвае балаваць магілёўскага гледача тонкай акцёрскай гульнёй і вытанчаным рэпертуарам. Мінулай восенню артысты скарылі тутэйшую публіку гарачымі грузінскімі пастаноўкамі. На гэты раз будзе магчымасць прычыніцца да неўміручых твораў Фёдара Дастаеўскага і Міхаіла Булгакава «Ідыёт» і «Сабачае сэрца».

Свет беларускіх паданняў, таямнічых гісторый і містычных падзей — тое, што захапляе і прыцягвае, бо, у якім бы стагоддзі ты ні жыў, мінулае нагадвае пра сябе праз нейкія вобразы, дэталі, рэчы, якія мы часам знаходзім у старым куфры, што захоўваецца недзе ў вясковай хаце і памятае продкаў, якія маглі б распавесці і патлумачыць шмат. І калі такі куфар, запоўнены рукатворнымі цудамі, прыязджае ў тэатр, то дзеля адказнай місіі.

«Не стаяць на месцы, рухацца далей» — пад такім дэвізам жыве прыма-балерына, заслужаная артыстка Рэспублікі Беларусь Людміла Хітрова. На сцэне Вялікага тэатра яна ззяе больш за пятнаццаць гадоў. Абаянню, прафесіяналізму, таленту Людмілы Хітровай пакарыліся сцэны самых розных краін.

Выстава «Свет веера», «Адкрываючы нябачны сусвет», «Белавежская пушча», «Візіт старой дамы», спектакль «Закладнікі кахання», «Фініст. Першы волат», «Доктар фiласофii», «Аклады для абразоў. Традыцыі і сучаснаць», музычны вечар «Вячэрняя маліна», «Месяц Сальеры», сімфанічны аркестр «Чырвоная капэла» і «Пётр I — жыццё і дзеі» — штотыднёвая афіша «Звязды».

Выстава ў фае — з фатаграфіямі яркіх спектакляў і вобразаў, са сцэнічнымі касцюмамі і партрэтам гераіні — рыхтавала да вельмі цёплых асабістых зносін. Так адкрываюць сябе добрым сябрам ці блізкім людзям. Далей быў працяг на сцэне, калі галоўны балетмайстар тэатра, заслужаны артыст Расійскай Федэрацыі Ігар Колб прадставіў гераіню, з якой знаёмы яшчэ з часу вучобы ў харэаграфічным каледжы і жыцця ў інтэрнаце.