Сеткавае выданне zviazda.by

Прэзідэнт Беларусі Аляксандр Лукашэнка прыняў з дакладам старшыню Магілёўскага аблвыканкама Анатоля Ісачанку і памочніка Прэзідэнта — інспектара па Магілёўскай вобласці Сяргея Налівайку. У цэнтры ўвагі — бягучыя і самыя актуальныя пытанні жыццядзейнасці рэгіёна.

Здаецца, для іх няма нічога немагчымага. Ім падуладныя нават самыя суровыя і экстрэмальныя ўмовы. Каманда «МАЗ-СПОРТаўта» сёлета адзначае сваё 15-годдзе. За гэты час адбылося столькі сітуацый, што хапіла б на сапраўдны трылер. Гэта быў бы фільм пра пераадоленне цяжкасцяў, моцнае мужчынскае сяброўства, патрыятызм. Гэта мог бы быць фільм аб тым, як людзі становяцца адзіным цэлым са сваімі аўтамабілямі. Зусім хутка пачнецца чарговы сезон гэтага трылера — першая гонка ўжо ў красавіку стане падрыхтоўкай да асноўнага ралі-рэйду «Шаўковы шлях». А пакуль з начальнікам «МАЗ-СПОРТаўта» Сяргеем Вязовічам разбіраліся, што застаецца за кадрам гэтага трылера і хто яго галоўныя героі.

«За ўсё, што ёсць у маім жыцці, я ўдзячны баскетболу. Я ўпэўнены і не сумняваюся, што шмат хто са мной пагодзіцца: не мы выбіраем баскетбол, а ён — нас», — кажа вядомы баскетбаліст, а сёння трэнер Андрэй Клемезь. Выбраўшы яго, баскетбол сапраўды не памыліўся. Андрэй Клемезь выступаў за нацыянальную зборную, пасля трэніраваў моцны БК «Гарызонт», лідара жаночага нацыянальнага чэмпіянату. А сёння спецыяліст трэніруе мужчынскую зборную U-14, створаную на базе Рэспубліканскага дзяржаўнага вучылішча алімпійскага рэзерву. Адметна, што менавіта ў гэтай установе ён пачынаў свой спартыўны шлях. Аб ролі вучылішча ў выхаванні новага пакалення спартсменаў і аб асаблівасцях трэнерскай працы Андрэй Клемезь распавёў «Звяздзе».

У сусветным спорце — перамены. Кардынальныя ці не, пакажа час. Але значныя і нават гістарычныя — гэта адназначна. У чацвер, падчас 144-й сесіі Міжнароднага алімпійскага камітэта прайшлі выбары новага прэзідэнта гэтай арганізацыі. У першым туры, набраўшы 49 галасоў, перамагла прадстаўніца Зімбабвэ Кірсці Ковентры.

«Дарагія сябры, мне прыемна бачыць і сустракаць вас у Беларусі. Я хачу, каб ведалі, што вы прыехалі не проста ў краіну блізкую, да вашага народа. Вы прыехалі да сваіх сяброў, да сваіх родных. Вы прыехалі ў сваю Беларусь», — такімі словамі Прэзідэнт Беларусі Аляксандр Лукашэнка прывітаў Старшыню Веча народаў Рэспублікі Сербскай Срэбранку Голіч.

У кабінеце Прэзідэнта Беларусі Аляксандра Лукашэнкі — першы раз у новым статусе з дакладам прэм’ер-міністр Аляксандр Турчын. «Ну што, асвоіўся?» — задаў першае пытанне кіраўнік дзяржавы кіраўніку ўрада. Аляксандр Турчын быў прызначаны на гэту пасаду тыдзень там, але часу, каб разварушвацца няма.

Прэзідэнт Беларусі Аляксандр Лукашэнка прыняў з дакладам міністра замежных спраў Максіма Рыжанкова. Кіраўнік дзяржавы паставіў шэраг пытанняў перад кіраўніком знешнепалітычнага ведамства.

Паражэнне тыдня. Беларуская тэнісістка Арына Сабаленка другі раз праіграла ў фінале турніру катэгорыі WTA-1000 у амерыканскім Індыян-Уэлсе. У вырашальным матчы першая ракетка планеты ўступіла 17-гадовай Міры Андрэевай, якая займае 11-е месца ў сусветным рэйтынгу, — 6:2, 4:6, 3:6. Сустрэча працягвалася 2 гадзіны 5 хвілін.

У Палацы Незалежнасці зноў шмат замежных гасцей. Прэзідэнт Беларусі Аляксандр Лукашэнка прыняў даверчыя лісты ад паслоў дзевяці краін. Гэта прыгожая дыпламатычная традыцыя, калі паслы, якія пачынаюць сваю кандэцыю, найперш сустракаюцца з кіраўніком дзяржавы, у якой будуць працаваць, і перадаюць яму даверчыя лісты. Такім чынам выказваецца жаданне новага пасла садзейнічаць далейшаму развіццю і паглыбленню адносін паміж дзвюма краінамі. Для паслоў, якія будуць працаваць у Беларусі, гэта жаданне ўзаемнае.

Другое мерапрыемства ў графіку Прэзідэнта Беларусі Аляксандра Лукашэнкі на аўторак таксама прысвечана супрацоўніцтву на знешнім вектары. Толькі больш блізкім. Кіраўнік дзяржавы сустрэўся з губернатарам Прыморскага краю Алегам Кажамякам.