Сеткавае выданне zviazda.by

Наша гераіня мае шмат захапленняў, але асаблівае месца адведзена музыцы. Ёю Амалія Сухан займаецца ўжо пяць гадоў пад кіраўніцтвам вопытнай каманды ў Гранд-студыі мастацтваў «Malіnovka by Spamash». У пошуках уласнага рэцэпта прафесіяналізму дзяўчына паспела, напрыклад, паказаць сябе на Міжнародным конкурсе эстраднай песні «Халі-Хало — 2023» (Гран-пры), на тэлешоу «Голас. Дзеці», на шматлікіх канцэртах. А сёлета перамагла на нацыянальным адборы на Міжнародны дзіцячы музычны конкурс «Віцебск-2025». Сустрэліся з юнай артысткай, каб распытаць пра конкурснае закуліссе, жыццё па-за сцэнай і наступныя крокі да поспеху.

А1 у партнёрстве з Беларускім дзіцячым фондам працягвае праграму па абароне дзяцей і падлеткаў у лічбавай прасторы. У рамках праграмы А1 створыць Клуб адказных інфлюэнсераў «Ты ў сеціве», аб’яднаўшы беларускіх лідараў думак, на якіх арыентуецца моладзь у сацыяльных сетках. Сустрэчы Клуба ў фармаце круглых сталоў з экспертамі па кібербяспецы, рекламным уплыве, псіхолагамі і педагогамі будуць накіраваныя на павышэнне інфармаванасці аб адказным уплыве ў сацыяльных сетках і стварэнні бяспечнага анлайн-асяроддзя.

Гомельскі дзіцячы сацыяльны пансіянат «Шчаслівыя ўсмешкі» прадставіў у сталічным Тэатры-студыі кінаакцёра свой інклюзіўны спектакль «Паўлінка» па матывах п’есы Янкі Купалы. Выхаванцы ўстановы, якія маюць ментальныя асаблівасці, нараўне са сваімі выкладчыкамі, выхавацелямі і псіхолагамі ўвасобілі на сцэне вобразы беларускага класіка. Сам выхад да гледачоў для многіх юных акцёраў — вялікая перамога. Аднак адметна, што такіх перамог у выхаванцаў «Шчаслівых усмешак» ужо нямала — большасць з іх мела ролі ў трох папярэдніх спектаклях. А летась калектыў пансіяната быў узнагароджаны спецыяльнай прэміяй Прэзідэнта Беларусі за развіццё творчага патэнцыялу дзяцей і маладых людзей з інваліднасцю і інтэграцыю інклюзіўнага мастацтва ў культурную прастору краіны.

Сур’ёзна падышлі маленькія гледачы да культпаходу ў кінатэатр «Піянер», дзе адбывалася ўрачыстае прадстаўленне прэм’ернай анімацыйнай стужкі «Дзяржаўныя сімвалы Рэспублікі Беларусь. Каляндар свят». Вядома, назва абавязвае. Але такое адчуванне, што ўсе былі гатовыя да своеасаблівай віктарыны, якая адбывалася ўпачатку. Ці то сапраўды, нягледзячы на ўзрост, малыя ўжо ведаюць адказы на пытанні, што датычацца дзяржаўнага будаўніцтва? Ці, можа, адмыслова рыхтаваліся? Альбо тут адразу трэба разумець: гэта беларускія дзеці.

Наталля Качанава азнаёмілася з творчымі работамі дзяцей з расстройствамі аўтыстычнага спектра ўстаноў адукацыі і культуры Бярозаўскага раёна. Унікальная выстаўка экспануецца ў фае Савета Рэспублікі.

Наступны тыдзень для школьнікаў нашай краіны доўгачаканы — пачнуцца вясновыя канікулы. У бацькоў штогод напярэдадні ўзнікае адно пытанне: як забяспечыць любімаму дзіцяці не толькі камфортныя, але і бяспечныя ўмовы для тыднёвага адпачынку і аздараўлення? Чым заняць школьнікаў, калі ўрокаў няма, расказалі спецыялісты.

З надыходам доўгачаканых канікул дзецям і іх бацькам не варта забываць аб правілах бяспекі. Крадзяжы, распіццё спіртнога і знаходжанне на вуліцы ноччу без суправаджэння дарослых — гэта толькі самая малая частка правапарушэнняў, якія здзяйсняюць непаўналетнія. Акрамя таго, у перыяд канікул адзначаецца найбольшая цікавасць зламыснікаў да ўключэння дзяцей у злачынствы, у тым ліку ў распаўсюджванне наркотыкаў. На што неабходна звярнуць увагу, каб дзіця не трапіла ў бяду, абмеркавалі ў Нацыянальным прэс-цэнтры падчас «тэматычнай» прэс-канферэнцыі.

Законапраект ужо разгледжаны дэпутатамі ў першым чытанні, аднак шэраг новаўвядзенняў патрабуе сур’ёзнага ўдасканалення, каб на практыцы ні ў педагагічнай супольнасці, ні ў дзяцей і іх бацькоў не ўзнікала ні пытанняў, а тым больш праблем. Якія заканадаўчыя крокі яшчэ неабходна зрабіць, каб абараніць дзяцей ад псіхалагічнага і фізічнага ўздзеяння, абмеркавалі падчас рабочай нарады з удзелам парламентарыяў, прадстаўнікоў Міністэрства адукацыі, іншых зацікаўленых органаў.

Як дзяржава падтрымлівае сем’і, у якіх адначасова нарадзілася двое і больш дзяцей, расказалі ў прэс-службе Міністэрства працы і сацыяльнай абароны.

Жаданне даць свайму дзіцяці ўсё самае лепшае часам у сучасных бацькоў трансфармуецца ў формулу «купіць яму ўсё, чаго ён хоча». Тавары для дзяцей і падлеткаў закліканы дарыць радасць дзецям і рабіць лягчэй жыццё бацькоў, але часам яны могуць утойваць небяспеку, адзначаюць спецыялісты Дзяржстандарта, педыятры і педагогі. У найбліжэйшыя гады бяспека дзіцячых тавараў будзе знаходзіцца пад самай пільнай увагай спецыялістаў па стандартызацыі як нашай краіны, так і партнёраў па Еўразійскім эканамічным саюзе.