Сеткавае выданне zviazda.by

Турнір тыдня. Чацвёрты этап Кубка Садружнасці па біятлоне прайшоў у горадзе Дзёміна Яраслаўскай вобласці. Мужчынскую гонку з масавым стартам выйграў беларус Мікіта Лабастаў — у цяперашнім сезоне гэта яго першая перамога ў асабістых гонках. Антон Смольскі заняў першае месца ў гонцы праследавання. Гэта чацвёртая перамога Смольскага ў цяперашнім розыгрышы Кубка Садружнасці і першая ў зімовай частцы спаборніцтваў. Лідар агульнага заліку Кубка Садружнасці на чацвёртым этапе заняў другое месца ў спрынце. Дзмітрый Лазоўскі ў гэтым відзе праграмы заняў трэцяе месца. Ганна Сола стала трэцяй па выніках жаночай гонкі праследавання на 10 кіламетраў. Таксама ў Дзёміна яна стала трэцяй па выніках спрынту.

Абмяркоўваючы праект Дзяржаўнай інвестпраграмы, Прэзідэнт Беларусі Аляксандр Лукашэнка падкрэсліў, што сёння экспарт становіцца найважнейшым элементам нашай эканомікі. Праз некалькі дзён гэта пытанне ўзнялі больш прадметна — у пятніцу кіраўнік дзяржавы правёў нараду па пытаннях знешнегандлёвай дзейнасці ў 2025 годзе.

Рабочы графік Прэзідэнта штотыдзень надзвычай насычаны. І тэмы, якім кіраўнік дзяржавы надае пільную ўвагу, самыя разнастайныя: эканоміка, бяспека, сацыяльная сфера, прамысловасць, грамадска-палітычная абстаноўка і многае іншае. Кожную тэму Аляксандр Лукашэнка вывучае дэталёва, абавязкова робіць акцэнт на праблемах, але і не забывае пра станоўчыя моманты. Ацэнкі Прэзідэнта заўсёды трапныя і змястоўныя. А даручэнні і парады — канкрэтныя.

Заснаваны ў 1945 годзе Мінскі мотавелазавод за сваю вялікую гісторыю бачыў многае. Прадпрыемства памятае росквіт, нездарма ж брэнды «АИСТ» і «МІНСК» вядомыя ва ўсім свеце яшчэ з савецкіх часоў. У багатай гісторыі ёсць і чорныя палосы, выхад з якіх шукалі не адзін год. Варыянтаў, што рабіць з прадпрыемствам, было шмат. Сярод іх нават была прапанова поўнасцю знесці вытворчыя аб’екты і пабудаваць на гэтай тэрыторыі жылыя дамы. Але Прэзідэнт Беларусі Аляксандр Лукашэнка катэгарычна гэта забараніў і заявіў, што на гэтым месцы павінна быць толькі вытворчасць. І вытворчасць высокатэхналагічная і чыстая, што надзвычай важна для сталіцы. «Трэба зрабіць узорны тэхнапарк і на яго ўзор развіваць у іншых гарадах і месцах», — такую задачу паставіў кіраўнік дзяржавы ў сакавіку 2021 года.

Па традыцыі наведвання прадпрыемстваў, кіраўнік дзяржавы паразмаўляў з калектывам. «Вельмі рады, што, напэўна не дарма мы задумалі гэтую бітву, пачынаючы з аднаўлення Мотавелазавода і заканчваючы тым, што тут ужо 140 кампаній будуць працаваць і вырабляць патрэбную тэхніку», — прывітаў ён супрацоўнікаў Мотавелазавода і работнікаў прадпрыемстваў-рэзідэнтаў тэхнапарка.

Кіраўнік дзяржавы Аляксандр Лукашэнка заслухаў даклад па праекце Указа Прэзідэнта Рэспублікі Беларусь «Аб зацвярджэнні Дзяржаўнай інвестыцыйнай праграмы на 2025 год». Гэта асноўны фінансавы дакумент краіны па рэалізацыі найважнейшых дзяржбудоўляў з прыцягненнем сродкаў рэспубліканскага бюджэту. Дакумент ужо выносіўся на разгляд Прэзідэнту раней, алё ён яго не падпісаў, паколькі патрабаваўся дэталёвы аналіз некаторых аспектаў праграмы. Таму размова кіраўніка дзяржавы з адказнымі асобамі была прынцыповай. З 2018 года ў краіне дзейнічае інстытут дзяржаўных праграм, кожная галіна праграмуе свае расходы ў рамках пяцігадовых цыклаў. І там ёсць раздзел, прысвечаны інфраструктурным праектам ці капітальным укладанням. З гэтых штогадовых праектаў складваецца рэспубліканская і рэгіянальная інвестыцыйная праграма. Такім чынам, Дзяржаўная інвестыцыйная праграма — гэта дакумент, які закранае амаль усе сферы жыццядзейнасці краіны.

У Нацыянальным алімпійскім камітэце прайшла справаздачна-выбарная Генеральная асамблея. У штаб-кватэры НАК Беларусі сабраліся спартыўныя функцыянеры, вядучыя трэнеры і спартсмены, ветэраны спорту. На парадку дня — падвядзенне вынікаў дзейнасці НАК з 2021 па 2024 гады і выбары кіраўніцтва камітэта.

Першы ў 2025 годзе кадравы дзень прайшоў у Палацы Незалежнасці. Ён адзначыўся гучнымі, у чымсьці нечаканымі, важнымі прызначэннямі. Прэзідэнт Беларусі Аляксандр Лукашэнка прызначыў новых кіраўнікоў дыпламатычных місій і міністраў. І па традыцыі кадравых дзён, кіраўнік дзяржавы паставіў перад прызначэнцамі ключавыя задачы, якія ім трэба будзе выконваць на новых пасадах.

Прэзідэнт прызначыў Артура Карповіча міністрам антыманапольнага рэгулявання і гандлю. Да гэтага часу ён працаваў саветнікам аддзялення пасольства Беларусі ў Расіі ва Уфе.

Дзмітрый Лазоўскі і Ганна Сола — героі Кубка Расіі па біятлоне. У традыцыйным аглядзе «Звязды» — самыя важныя спартыўныя навіны.