Сеткавае выданне zviazda.by

Як звярнула ўвага Старшыня Савета Рэспублікі, упаўнаважаны прадстаўнік кіраўніка дзяржавы ў г. Мінску Наталля КАЧАНАВА, гэта пытанне знаходзіцца на кантролі ўжо не першы год. Даручэнні наконт стварэння інавацыйных вытворчасцяў на тэрыторыі холдынгу «Гарызонт» былі дадзены Прэзідэнтам у студзені 2021 года. У адпаведнасці з пастаўленай задачай — задзейнічаць усе пустуючыя плошчы пад вытворчасць — распрацаваны графік выканання работ да 2025 года, які паэтапна рэалізуецца.

Тавараабарот Беларусі і Свярдлоўскай вобласці з 2020 года вырас больш як у два разы. Аб гэтым заявіў намеснік прэм’ер-міністра Беларусі Віктар Каранкевіч у час пасяджэння Савета дзелавога супрацоўніцтва Свярдлоўскай вобласці і Беларусі, перадае БелТА.

У Беларусі працягваецца пашырэнне дзелавой актыўнасці. Пра гэта гаворыцца ў штотыднёвым макрааглядзе Еўразійскага банка развіцця (ЕАБР), паведамляе БелТА.

Першы намеснік Прэм’ер-міністра Мікалай Снапкоў у рубрыцы «Час Першага» ў «Галоўным эфіры» тэлеканала «Беларусь 1» расказаў, што бізнес чакае ад дзяржавы сёння. Пра гэта паведамляе sb.by.

Кожную гадзіну з канвеера завода «БЕЛДЖЫ» сыходзіць 15 аднайменных легкавых машын. Летась з пляцоўкі завода выехала больш за 91 тысячу аўтамабіляў Belgee, з якіх каля 26 тысяч было прададзена ў Беларусі, і прыблізна 67 тысяч адправілася ў Расію, расказала намеснік дырэктара па маркетынгу і продажам СЗАТ «БЕЛДЖЫ» Наталля Харкова. Сёлета выпуск аўто для беларускага рынку плануецца павялічыць мінімум на 15 %. Сёння па дарогах нашай краіны ездзіць каля 70 тысяч Belgee. Мы пабывалі ў цэхах завода і даведаліся, як збіраюць Belgee, ці могуць аўтааматары давяраць беларускай якасці і якія спажывецкія прадузятасці ўдалося пераадолець.

Праграма сацыяльна-эканамічнага развіцця Беларусі на наступную пяцігодку 2026-2030 гадоў знаходзіцца ў актыўнай распрацоўцы. Аб гэтым у навінным эфіры тэлеканала «Беларусь 1» заявіў прэм’ер-міністр Беларусі Раман Галоўчанка, паведамляе БелТА.

У гэтым годзе плануецца адрамантаваць больш за 10 млн кв. м вулічна-дарожнай сеткі. Аб гэтым расказаў намеснік міністра жыллёва-камунальнай гаспадаркі Андрэй Рамашка, паведамляе БелТА.

На бягучым тыдні прэм’ер-міністр Раман Галоўчанка правёў пасяджэнне Савета Міністраў, у ходзе якога былі падведзены вынікі сацыяльна-эканамічнага развіцця краіны ў 2024 годзе. На першы погляд гэта звычайнае пратакольнае мерапрыемства, тым больш што статкамітэт яшчэ раней агучыў галоўны вынік мінулага года. У 2023–2024 гадах прынятыя сістэмныя рашэнні па забеспячэнні ўстойлівай работы галін далі магчымасць не толькі выйсці на ўстойлівы станоўчы трэнд асноўных паказчыкаў сацыяльна-эканамічнага развіцця нацыянальнай эканомікі, але і прадэманстраваць гадавыя тэмпы яе росту, вышэйшыя за сярэднесусветныя значэнні. Была захавана і макраэканамічная стабільнасць. Толькі золатавалютныя рэзервы за год павялічыліся амаль на 800 млн і на 1 студзеня гэтага года склалі амаль 9 млрд долараў. І ўсё гэта без пагаршэння сацыяльных абавязацельстваў дзяржавы перад насельніцтвам, што ўжо даўно стала фірмавым брэндам Беларусі.

Прыватны бізнес займае немалую долю ў беларускай эканоміцы. Недзяржаўны сектар фарміруе палову ВУП, забяспечвае 37 працэнтаў прамысловай вытворчасці, менавіта на яго прыпадаеф трэць усіх інвестыцый. «Таму развіццё камфортнага бізнес-асяроддзя — адзін з прыярытэтаў дзяржаўнай эканамічнай палітыкі», — гэтыя словы Прэзідэнта на сустрэчы з прадстаўнікамі прадпрымальніцкай супольнасці дзяржава не раз падтрымала канкрэтнымі справамі. Прэферэнцыі, якія даюцца прыватнікам, ільготныя крэдыты, лагодная падатковая палітыка — усё гэта дазваляе бізнесу развівацца, адкрываць новыя прадпрыемствы, ствараць дзясяткі, а то і сотні новых працоўных месцаў, што асабліва важна для рэгіёнаў. З 208 праектаў, якія рэалізоўваюцца ў рэгіёнах паводле ініцыятывы Прэзідэнта «Адзін раён — адзін праект», 116 — малога і сярэдняга бізнесу.

Пастановай Савета Міністраў Беларусі ад 31 снежня 2024 года № 1072 зацверджана Праграма развіцця раёнаў Прыпяцкага Палесся на 2025–2030 гады. Яна накіравана на фарміраванне доўгатэрміновай асновы ўстойлівага росту эканомікі, а таксама дабрабыту і якасці жыцця насельніцтва раёнаў Прыпяцкага Палесся: Ганцавіцкага, Лунінецкага, Столінскага і Пінскага раёнаў Брэсцкай вобласці, Ельскага, Жыткавіцкага, Калінкавіцкага, Лельчыцкага і Петрыкаўскага раёнаў Гомельскай вобласці.