Навiны
Беларусы перамаглі на старце кваліфікацыі юнацкага ЧЕ па футболе
Футбалісты юнацкай зборнай Беларусі (U-17) паспяхова пачалі выступленне ў кваліфікацыі першынства Еўропы, паведамляе БелТА.
«Чалавек ведаў, што робіць, казаў праўду, і людзі яму верылі...»
Падчас выступлення Прэзідэнта Беларусі ў Савеце Федэрацыі ў Маскве старшыня Савета Федэрацыі Валянціна Матвіенка павіншавала Аляксандра Лукашэнку з пачаткам яркай палітычнай кар’еры. У сакавіку 1990 года, а дакладней, 18 сакавіка, дырэктар саўгаса Гарадзец Шклоўскага раёна Аляксандр Лукашэнка падчас паўторнага галасавання (барацьба за мандаты была сур’ёзная: на 310 месцаў прэтэндавала 1427 кандыдатаў) стаў дэпутатам Вярхоўнага Савета БССР. У адказ Прэзідэнт Беларусі заўважыў: «Было такое. І вельмі гэтым ганаруся. Калі б гэтага перыяду, як і іншых, не было ў маім жыцці, я б, можа, і не быў Прэзідэнтам. Самы галоўны мой перыяд у жыцці — дэпутацкая работа. Я бачыў усіх, я бачыў усё і я там навучыўся высокім тэхналогіям — палітычным, дыпламатычным і іншым — і як губка гэта ўсё ўбіраў. За той перыяд мне не сорамна»...
Дэлегацыя беларусаў Карэліі прыехала на радзіму
На працягу пяці дзён прадстаўнікі рэгіянальнай грамадскай арганізацыі «Нацыянальна- культурная аўтаномія беларусаў Карэліі» наведваюць гістарычныя мясціны, знаёмяцца з культурай і прадпрыемствамі Беларусі, наладжваюць кантакты з беларускімі ўстановамі. Госці ўжо пабывалі ў мемарыяльным комплексе «Дзецям — ахвярам вайны» ў Жлобінскім раёне. Старшыня нацыянальна-культурнай аўтаноміі беларусаў Карэліі Святлана Барташэвіч перадала работнікам музея ў Чырвоным Беразе дыск з запісамі ўспамінаў яе маці, якая ў дзяцінстве таксама была ў канцлагеры. Уразіла нашых суайчыннікаў экскурсія па мемарыяльным комплексе «Ала». Пабывалі яны і ў памятнага знака, прысвечанага аперацыі «Баграціён», а ў Светлагорскі краязнаўчы музей прадстаўнікі дыяспары перадалі, сабраныя імі дакументальныя матэрыялы пра дзвюх удзельніц гэтай аперацыі — ураджэнак Беларусі і Расіі.
Чаму ў Польшчы беларусам жыць небяспечна?
23-гадоваму паляку, які абвінавачваецца ў згвалтаванні і забойстве 25-гадовай беларускі, запыталі пажыццёвае зняволенне, паведаміў партал wіadomoscі.wp.pl. Адзначаецца, што суд пачаўся 4 снежня і ў асноўным праходзіў у закрытым рэжыме. На апошнім слуханні, якое таксама адбылося без агалоскі, бакі выказалі свае заключныя аргументы. У пракуратуры пацвердзілі, што аналізы паказалі дзеяздольнасць зламысніка. Сёння павінен быць вынесены прыгавор. Жудаснае здарэнне ў польскай сталіцы перакрэслівае ўсе рэкламныя турыстычныя постары наконт таго, што ў суседняй дзяржаве бяспека, стабільнасць і росквіт. Што ж адбываецца ў краіне, якая цяпер старшынствуе ў Еўрасаюзе?
