Сеткавае выданне zviazda.by

Старшыня праўлення Нацыянальнага банка і кіраўнік рабочай групы па дапрацоўцы праекта Праграмы сацыяльна-эканамічнага развіцця да 2030 года Раман Галоўчанка расказаў на пасяджэнні групы аб тым, як быў дапрацаваны праект па даручэнні Прэзідэнта, паведамляе БелТА.

Пастаўкі беларускай прадукцыі на Афрыканскі кантынент у найбліжэйшы час трэба павялічваць мінімум да аб’ёму ў $1 млрд. Пра гэта па выніках нарады ў Прэзідэнта заявіў журналістам віцэ-прэм’ер Віктар Каранкевіч, перадае БелТА.

Па выніках рабочага візіту Аляксандра Турчына ў Санкт-Пецярбург падпісаны дакументы, якія прадугледжваюць пастаўку беларускай прадукцыі ў паўночную сталіцу Расіі на 2,9 мільярда расійскіх рублёў.

Тварог з варэннем або бутэрброды з маслам і сырам — смачныя і простыя ў падрыхтоўцы варыянты сняданку, любімыя многімі. Вытворчасць малочнай прадукцыі — зусім нялёгкі працэс. Некаторыя гаспадыні, асабліва тыя, у якіх ёсць хатняя гаспадарка, умеюць рабіць з малака тварог ці масла самастойна. Іншыя ж набываюць прадукты ў крамах. Выраб якаснай і бяспечнай для здароўя «малочкі» на прадпрыемствах — працэс хоць і пераважна аўтаматызаваны, але працаёмкі, патрабуе дакладнага кантролю тэмпературы і кіслотнасці, а таксама выкарыстання спецыфічных заквасак і ферментаў. А яшчэ — адказнага выканання абавязкаў з боку работнікаў. Каб паглядзець, як гэты кантроль ажыццяўляецца на месцы, мы накіраваліся ў Вілейку — на вытворчы ўчастак Мінскага малочнага завода № 1.

На базе Беларускай валютна-фондавай біржы ў Мінску адбылося пашыранае сумеснае пасяджэнне Пастаянных камісій Савета Рэспублікі па эканоміцы, бюджэце і фінансах, а таксама па заканадаўстве і дзяржаўным будаўніцтве. Было разгледжана развіццё фондавага рынку ў рамках рэалізацыі прыярытэтаў сацыяльна-эканамічнага развіцця і забеспячэння эканамічнай бяспекі нашай краіны.

Цэнтральнай тэмай даклада кіраўніка Нацбанка стала дапрацоўка Праграмы сацыяльна-эканамічнага развіцця Беларусі да 2030 года. Раман Галоўчанка — кіраўнік створанай па распараджэнні Прэзідэнта рабочай групы, якая гэтым займаецца. Да 1 лістапада дапрацаваны дакумент павінен быць прадстаўлены кіраўніку дзяржавы. 29 кастрычніка Прэзідэнт заслухаў даклад аб асноўным змесце праграмы, ключавых галінах і сферах, на якіх зроблены акцэнт. У канчатковым выглядзе дакумент плануецца вынесці на зацвярджэнне Усебеларускага народнага сходу, пасяджэнне якога пройдзе 18 і 19 снежня гэтага года. 

Намеснік Прэм’ер-міністра Віктар Каранкевіч праінфармаваў парламентарыяў аб забеспячэнні ўстойлівай работы прамысловага комплексу ў 2025 годзе. 

А ці не занадта мы захапіліся імпартазамяшчэннем? Несумненна, нацыянальная бяспека прадугледжвае ўласную вытворчасць некаторага асартыменту крытычна важнай прадукцыі. Але яе наменклатура, па вялікім рахунку, абмежаваная. Хоць, калі ўключыць буйную фантазію, яе можна пашыраць практычна да бясконцасці. Але ці ёсць у гэтым неабходнасць? Перш за ўсё фінансава-эканамічная. Прычым не столькі з пункту гледжання моманту, колькі доўгатэрміновых перспектыў. Ці не рызыкуем мы трапіць у пастку імпартазамяшчэння, калі будзем марнаваць сродкі і сілы на засваенне вытворчасці існуючай прадукцыі, але не застанецца сіл і рэсурсаў на распрацоўку тавараў будучыні? Той самай інавацыйнай прадукцыі, якая і забяспечвае высокую маржынальнасць і дазваляе ўмацоўвацца на стратэгічных рынках збыту і выходзіць на новыя.

Адным з рэзідэнтаў свабоднай эканамічнай зоны «Гомель — Ратон» з’яўляецца адкрытае акцыянернае таварыства «Рэчыцадрэў». Больш падрабязна аб праекце СЭЗ расказалі ў Мінэканомікі.

У Савеце Міністраў адбылося пасяджэнне Назіральнага савета ПВТ.