Сеткавае выданне zviazda.by

Дэпутаты абмеркавалі прапановы па праекце Плана мерапрыемстваў па правядзенні ў 2025-м Года добраўпарадкавання, падвялі вынікі папярэдняй работы на знешнім контуры, вызначылі перспектыўныя кірункі міжпарламенцкага ўзаемадзеяння на бягучы год. Акрамя таго, парламентарыі разгледзелі пытанне, якое датычыцца работы міжведамаснай рабочай групы па ўдасканаленні мер сацыяльнай абароны ўдзельнікаў ліквідацыі наступстваў аварыі на Чарнобыльскай АЭС.

Уручаючы Дзяржаўныя знакі якасці калектывам прадпрыемстваў, Аляксандр Лукашэнка звярнуў увагу, што ўладальнікамі гэтай вышэйшай узнагароды з’яўляюцца вядомыя ўсім маркі, пра якія з гонарам кажуць: «Зроблена ў Беларусі». «Яны прайшлі жорсткі адбор на адпаведнасць крытэрыям інавацыйнасці, тэхналагічнасці, бяспекі і шэрагу іншых», — канкрэтызаваў беларускі лідар і падкрэсліў, што атрымаць ганаровы знак няпроста, але яшчэ больш складана будзе захаваць гэты высокі статус.

З 2022 года ў краіне рэалізуецца ініцыятыва «Адзін раён — адзін праект». Раёны актыўна ўключыліся ў гэтую работу: вырабляецца запатрабаваная прадукцыя, ствараюцца новыя працоўныя месцы, укладзеныя інвестыцыі прыносяць аддачу, што найперш адбіваецца на развіцці гарадоў і малых населеных пунктаў.

Пытанні, з якімі людзі звярталіся да Старшыні Савета Рэспублікі, традыцыйныя. Гэта і стан дарожнага пакрыцця ў сельскай мясцовасці, і зямельныя спрэчкі, якія не атрымліваецца вырашыць з прыцягненнем мясцовых улад. У топе праблем, якія хвалююць грамадзян, — паляпшэнне жыллёвых умоў, якасць праведзеных падчас капітальнага рамонту работ, працаўладкаванне. Неабыякавыя грамадзяне закранулі пытанне патрыятычнага выхавання моладзі, выказалі гатоўнасць дапамагаць хворым дзецям, а таксама іх бацькам.

Цэнтральную выбарчую камісію наведала прадстаўнічая дэлегацыя міжнародных назіральнікаў з Ірана на чале з паслом гэтай краіны ў Беларусі. Акрамя таго, адбылася сустрэча старшыні Цэнтрвыбаркама з незалежным назіральнікам з Філіпін.

Пакуль «вялікія» еўрапейскія эксперты, якія нават ніколі не былі ў Беларусі, даюць ацэнку нашым прэзідэнцкім выбарам, міжнародныя назіральнікі і незалежная экспертная супольнасць з 52 краін свету, якія гэтымі днямі сачылі за найважнейшай электаральнай падзеяй у нашай краіне, расказваюць, як гэта было на самай справе. Усе з іх адзначаюць высокую яўку грамадзян, адкрытасць і даступнасць усіх суб’ектаў выбарчага працэсу, празрыстасць, галоснасць і дэмакратычнасць нашых выбараў. Галоўнае, што сваё слова выказаў народ, зрабіўшы выбар за дзеючага кіраўніка дзяржавы, а значыць — за стабільнасць, мірную і светлую будучыню.

Старшыня Пастаяннай камісіі Савета Рэспублікі па міжнародных справах і нацыянальнай бяспецы Сяргей Алейнік правёў сустрэчу з членам Сената (верхняй палаты) Парламента Кеніі Ледамам Алекіна.

Ёсць людзі, для якіх знаходзіцца побач у складаную хвіліну, — не проста прафесія, а справа гонару. Калі здараецца бяда, яны першымі прыходзяць на дапамогу. Без страху ўваходзяць у ахопленае полымем памяшканне, максімальна асцярожна выцягваюць з пашкоджаных аўтамабіляў пацярпелых у ДТЗ, працягваюць руку дапамогі тым, хто праваліўся пад лёд або заблукаў у лесе... Рызыкуюць сабой, каб захаваць жыццё іншаму. Невыпадкова першы званок у крытычнай сітуацыі менавіта ім — ратавальнікам.

Каардынатар групы міжнародных назіральнікаў ад Парламенцкай Асамблеі АДКБ, намеснік Старшыні Дзяржаўнай Думы Федэральнага Сходу Расійскай федэрацыі Вікторыя Абрамчанка адзначыла, што ўдзел у выбарчай кампаніі пяці кандыдатаў забяспечыў спаборніцкі характар выбараў і даў выбаршчыкам рэальную магчымасць зрабіць усвядомлены выбар. «Цэнтральная выбарчая камісія і сродкі масавай інфармацыі прадаставілі грамадзянам Беларусі ўсю неабходную інфармацыю аб кандыдатах і іх прадвыбарных праграмах, — удакладніла яна. — Прадвыбарная агітацыя праходзіла ў адпаведнасці з заканадаўствам і не парушала правы ўдзельнікаў выбарчага працэсу».

Місія назіральнікаў ад СНД — найбольш шматколькасная міжнародная місія, якая вяла назіранне за выбарамі Прэзідэнта Беларусі. У склад місіі ўваходзіла 296 прадстаўнікоў з сямі дзяржаў Садружнасці. На працягу датэрміновага галасавання і ў асноўны дзень выбараў назіральнікі ад місіі СНД наведалі 2383 выбарчыя ўчасткі ва ўсіх рэгіёнах краіны.