Сеткавае выданне zviazda.by

12 красавіка ўся краіна выйдзе на Рэспубліканскі суботнік. Як правіла, праходзіць ён масава, арганізавана, рэзультатыўна. Людзі працуюць з ахвотай: талака — наша, беларускае слова, а навесці парадак, зрабіць месца, дзе жывеш, прыгажэйшым, можна сказаць, — нацыянальная традыцыя. Таму многія, акрамя ўдзелу ў важным мерапрыемстве рэспубліканскага маштабу, ладзяць, вобразна кажучы, суботнікі па закліку сэрца. Дзякуючы нераўнадушным энтузіястам, збіраюцца самі, працуюць разам, робяць сваю радзіму чыстай і ўтульнай. І так па ўсёй краіне, у чым і пераканаліся нашы карэспандэнты.

З 8 да 11 красавіка ў нашай краіне пройдзе ІІІ Беларуска-расійскі турыстычны кангрэс. І чарговы раз ён абяцае стаць адной з ключавых падзей для прафесіяналаў туріндустрыі з абедзвюх краін. Кангрэс прысвечаны актуальным пытанням узаемадзеяння Беларусі і Расіі ў сферы турызму, абмеркаванню бягучага стану спраў у турбізнесе, а таксама гарманізацыі заканадаўства і прапановах па развіцці тургаліны Саюзнай дзяржавы.

Яшчэ гадоў 10-15 таму турызм пазіцыянаваў сябе як эканоміка ўражанняў. Ключавымі пры фарміраванні тураў і маршрутаў лічыліся яркія эмоцыі спажыўца, а галоўным крытэрыем поспеху — уменне ператварыць адпачынак кліента ў захапляльнае дзейства. Убачыць раней нябачанае, пакаштаваць раней некаштаванае, адчуць раней ніколі не адчутае — такім было патрабаванне. Сёння запыт турыстаў «пасталеў».

Не так даўно на ўрачыстае адкрыццё новага фельчарска-акушэрскага пункта сабралася ледзь не ўся вёска Зарэчка Драгічынскага раёна. Яно і зразумела. Увядзенне ў строй будынка вясковай медустановы важна для ўсіх, бо паспрыяе павышэнню якасці абслугоўвання кожнага пацыента, а таксама паляпшэнню ўмоў работы персаналу ФАПа.

Трыумф тыдня. Хакеісты мінскага «Дынама» ўпершыню ў гісторыі клуба прабіліся ў другі раўнд плэй-оф Кантынентальнай хакейнай лігі. У першым раўндзе плэй-оф сезона-2024/2025 мінчане сустракаліся з маскоўскім ЦСКА. Вынік серыі — 4:2 на карысць «зуброў». Сапернікам мінскіх хакеістаў у другім раўндзе стане чалябінскі «Трактар».

Перспектывы супрацоўніцтва па розных напрамках пазначыла старшыня Савета Рэспублікі Наталля Качанава на сустрэчы са старшынёй Меджліса Туркменістана Дуньягазель Гулманавай, паведамілі БелТА ў прэс-службе Савета Рэспублікі.

Па выніках мінулага года Віцебская вобласць дасягнула рэкорднага паказчыку па экспарту турыстычных паслуг — больш за 25 мільёнаў долараў. Шматлікіх гасцей паўночнага рэгіёна цікавяць розныя напрамкі — ад аздараўленчага да рэлігійнага турызму. Аднак у трэндах Падзвіння застаецца прамысловы. І хоць месячнік яго падыходзіць да завяршэння, у Віцебскім раёне шмат цікавых прадпрыемстваў, якія запрашаюць ахвотных круглы год.

Тэрміны «крыптавалюта», «біткоін», «майнінг» увайшлі ў актыўны лексічны запас многіх нашых сучаснікаў. Адвакат Мінскай абласной калегіі адвакатаў Алена ГРОНСКАЯ дапамагае разабрацца, якія законы рэгулююць крыптавалютны рынак Рэспублікі Беларусь, што дазволена і што забаронена.

У лютым 2025 года прадоўжыўся рост зберажэнняў насельніцтва ў беларускіх рублях. Тэрміновыя дэпазіты фізічных асоб у рублях павялічыліся на 350,4 мільёна рублёў, склаўшы на 1 сакавіка 11,5 мільярда рублёў. Пра гэта сведчаць даныя, апублікаваныя на сайце Нацыянальнага банка. Гэта яўны знак таго, што беларусы давяраюць беларускаму рублю і вераць у стабільнасць нашай эканомікі.

Супрацоўніцтва і сувязі паміж рэгіянальнымі суб’ектамі Саюзнай дзяржавы — тое, што дапамагае дзвюм краінам паспяхова пераадольваць усе выклікі апошняга часу. Аб гэтым неаднойчы гаварыў Прэзідэнт Беларусі Аляксандр Лукашэнка. «Самая вялікая каштоўнасць — найтанчэйшыя капіляры чалавечых адносін, агульная гісторыя, культура, менталітэт, традыцыйны погляд на сям’ю, шанаванне старэйшых, вялізныя перспектывы і падтрымка моладзі. Таму нават у самыя цяжкія для Беларусі і Расіі часы кантакты на ўзроўні рэгіёнаў актыўна развіваліся. Гэта дапамагло нам выстаяць ва ўмовах развалу дзяржаўнасці і разрыву ўстояных эканамічных сувязяў пасля распаду вялікай краіны», — сказаў беларускі лідар у відэазвароце да ўдзельнікаў Х Форуму рэгіёнаў Беларусі і Расіі, які адбыўся ва Уфе ў 2023 годзе. Сяброўства і супрацоўніцтва рэгіёнаў нашых краін актыўна развіваецца. Штогод падчас Форуму рэгіёнаў (сёлета ён будзе праходзіць у Ніжнім Ноўгарадзе, летась яго прымала Віцебшчына) заключаюцца мільённыя кантракты, наладжваюцца ўзаемавыгадныя сувязі. Але і па-за межамі гэтага важнага мерапрыемства рэгіёны шукаюць і знаходзяць важныя пункты судакранання. Бо найтанчэйшыя капіляры чалавечых адносін сілкуюць адзін аднаго заўсёды.