Сеткавае выданне zviazda.by

Сёння ў Беларусі ўсё большая колькасць людзей цікавіцца прадуктамі для здаровага харчавання. Гэта тэндэнцыя апошніх дзесяцігоддзяў, адзначаюць у канцэрне «Белдзяржхарчпрам». Даць людзям магчымасць есці смачна і без шкоды для здароўя — над гэтым працуюць і навукоўцы ў лабараторыях, і тэхнолагі на прадпрыемствах. Але кожная новая распрацоўка ў харчовай сферы (прычым паўсюль у свеце) часцей за ўсё сутыкаецца з псіхалагічным бар’ерам, імя якому — недавер пакупніка. Пераадолець яго няпроста. Але менавіта гэта вызначае, ці застанецца прадукт на стале, ці стане часткай паўсядзённага рацыёну спажыўцоў.

Героі тыдня. У Рэспубліканскім цэнтры алімпійскай падрыхтоўкі па зімовых відах спорту стартавалі міжнародныя спаборніцтвы па біятлоне «Кубак мацнейшых». З першых дзён турніру клас паказваюць і беларускія біятланісты. Дзінара Смольская заваявала сярэбраны медаль у спрынтарскай гонцы, у гонцы праследавання. Антон Смольскі выйграў спрынт. Яшчэ адзін беларускі спартсмен Ілья Аўсеенка стаў бронзавым прызёрам гэтай гонкі. Першым Антон Смольскі фінішыраваў і ў гонцы праследавання. Беларус Сцяпан Данілаў — на трэцім месцы.

У апошні час развіццё беларуска-башкірскіх літаратурных сувязяў набывае новы ўзровень. Ва Уфе пабывалі беларускія літаратары — першы намеснік старшыні Саюза пісьменнікаў Беларусі Алена Стэльмах, старшыня Брэсцкага абласнога аддзялення Саюза пісьменнікаў Беларусі Таццяна Дземідовіч. У Беларусь не аднойчы прыязджаў старшыня Саюза пісьменнікаў Рэспублікі Башкартастан Айгіз Баймухаметаў. А ў 2023 годзе ў Мінску і Мінскай вобласці прайшлі Дні башкірскай літаратуры ў Рэспубліцы Беларусь. Падзея мела шырокі розгалас. Паэты і празаікі Башкартастана правялі вечар башкірскай паэзіі, пабывалі ў розных бібліятэках і музеях Мінска, выступілі перад самымі рознымі аўдыторыямі. Цікавасць да гасцей, іх творчасці была непадробная, самая шчырая.

На сустрэчы з кіраўнікамі рэлігійных арганізацый нашай краіны Аляксандр Лукашэнка прапанаваў дапамогу з боку дзяржавы ў стварэнні духоўных цэнтраў розных канфесій. Размова ішла пра святыні, значныя для вернікаў не толькі Беларусі і не толькі для вернікаў. Гэта нацыянальныя сакральныя мясціны, дзе сэрцы людзей паварочваюцца да Бога, дзе пераадольваецца адасобленасць, дзе пануе Любоў — да чалавека, да Сусвету, да Радзімы. Пра гэтыя месцы, здольныя аб’яднаць нас яшчэ больш, «Звязда» і раскажа.

Згадваючы Івана Навуменку, не так і проста вызначыць, з чаго пачаць. Настолькі ён шматгранны ў сваіх памкненнях і дасягненнях. Народны пісьменнік Беларусі, лаўрэат Дзяржаўнай прэміі БССР, лаўрэат прэміі камсамола Беларусі, заслужаны дзеяч навукі БССР, доктар філалагічных навук, дырэктар Інстытута літаратуры імя Янкі Купалы, акадэмік, віцэ-прэзідэнт Нацыянальнай акадэміі навук Беларусі, старшыня Вярхоўнага Савета БССР... Дзе б ні працаваў, вызначаўся высокай аддачай свайго даравання. А як пісьменнік праявіў сябе ў розных жанрах: празаік, дзіцячы аўтар, крытык, літаратуразнаўца, драматург, публіцыст. Дасягненні таму і значныя, што валодаў велізарным ад прыроды талентам. Быў упэўнены: сапраўдная літаратура нараджаецца «з таго, што глыбінна перажыта самім пісьменнікам, што запала яму ў сэрца, што яго хвалюе, радуе, абурае». Гэтым кіраваўся і ва ўласнай творчасці.

Штогод у Беларусь прыязджае вялікая колькасць жыхароў іншых краін не толькі для адпачынку і падарожжаў, але і для атрымання медыцынскай дапамогі. Летась Беларусь наведала больш за 160 тысяч грамадзян са 159 краін свету. Часцей за ўсё па лініі медыцынскага турызму да нас прыязджаюць грамадзяне Расіі, Кітая, Казахстана, Узбекістана, Туркменістана, Малдовы, Арменіі, Грузіі, Сірыі, Германіі, ЗША, Ізраіля, Італіі. Больш як 60 % ад усіх замежных пацыентаў прыпадае на грамадзян СНД. Рост экспарту медыцынскіх паслуг па выніках 2024 года склаў 10 %. Замежнікаў прывабліваюць не толькі цэны, але і якасць медыцынскіх паслуг. Часта пацыенты прыязджаюць на лячэнне да канкрэтных беларускіх спецыялістаў з кваліфікацыяй сусветнага ўзроўню. Чым яшчэ адметная і прывабная Беларусь для лячэння і санаторна-курортнага аздараўлення і хто ён, медыцынскі турыст, які едзе ў нашу краіну, расказалі спецыялісты.

У лютым народнай артыстцы Беларусі даверылі адкрыць новы праект Вялікага тэатра «Жыццё ў прафесіі». Але яе багатае прафесійнае жыццё працягваецца, нягледзячы на перажытую цяжкую траўму, і неаддзельнае ад жаночага лёсу, у якім ёсць безумоўнае шчасце: Ірына — маці траіх дзяцей. Таму дзіўна, што для бенефісу прымы-балерыны абралі спектакль «Ганна Карэніна»...

Не так часта здараецца ў жыцці пісьменніка, калі на сустрэчу з ім прыходзяць героі ягоных твораў. У Зіновія Прыгодзіча такое адбывалася не раз, калі ён прадстаўляў сваё новае выданне, прысвечанае знакамітым людзям — нашым сучаснікам.

Кацярыну Хадасевіч-Лісавую, дзіцячага празаіка, якая працуе настаўніцай у Ждановіцкай сярэдняй школе Мінскага раёна, добра ведаюць юныя чытачы ўсёй краіны. У творчым актыве пісьменніцы — болей трох дзесяткаў кніг, выдадзеных у розных выдавецтвах Беларусі. Чытачы, бібліятэкары, настаўнікі, бацькі юных чытачоў добра ведаюць літаральна герояў кніг Кацярыны Хадасевіч-Лісавой, з якіх ці не самы яркі і вядомы — Вухуцік.

Кіналагічны цэнтр органаў пагранічнай службы — унікальнае падраздзяленне, якое дыслацыруецца ў Смаргонскай пагранічнай групе. Пачаўшы сваю гісторыю 25 студзеня 1995 года як невялікі гадавальнік, за 30 гадоў ён вырас да найбуйнейшай у СНД і Усходняй Еўропе ўстановы па вырошчванні, дрэсіроўцы службовых сабак і падрыхтоўцы, павышэнні кваліфікацыі і перападрыхтоўцы спецыялістаў. Яго асноўнай задачай з’яўляецца навучанне кінолагаў і службовых сабак.