Сеткавае выданне zviazda.by

Сёлета форум упершыню ахапіў адразу шэсць гарадоў Гомельскай вобласці. Таксама першы раз ён праходзіць у двухдзённым фармаце. Да ўдзелу ў V Форуме медыйнай супольнасці Беларусі заяўлена каля тысячы чалавек. Гэта не толькі супрацоўнікі вядучых беларускіх СМІ, рэгіянальнай прэсы, але і прадстаўнікі дзяржорганаў, прэс-службаў, блогеры, медыяэксперты і аналітыкі.

Нацыянальны аператар сувязі «Белтэлекам» з 4 чэрвеня запусціў у Беларусі новы тэлеканал у тэставым рэжыме. Як доўга будзе доўжыцца трансляцыя, паведамляе «Мінская Праўда».

У Палаце прадстаўнікоў рыхтуецца да разгляду ў першым чытанні праект закона «Аб дзяржаўнай рэгістрацыі і ліквідацыі (спыненні дзейнасці) суб’ектаў гаспадарання». 5 чэрвеня законапраект абмяркоўваўся на пашыраным пасяджэнні Пастаяннай камісіі па эканамічнай палітыцы Палаты прадстаўнікоў з удзелам кіраўніцтва Міністэрства юстыцыі.

Другія штабныя перагаворы па арганізацыі і правядзенні сумеснага вучэння з калектыўнымі сіламі аператыўнага рэагавання (КСАР) АДКБ «Узаемадзеянне-2025», спецыяльных вучэнняў з сіламі і сродкамі разведкі «Пошук-2025» і матэрыяльна-тэхнічнага забеспячэння «Эшалон-2025», што праводзяцца ў рамках сумеснага аператыўна-стратэгічнага вучэння «Баявое братэрства — 2025», адбыліся 3-5 чэрвеня ў Беларусі. Аб гэтым расказаў прэс-сакратар Аб’яднанага штаба АДКБ Уладзіслаў Шчагрыковіч, паведамляе БелТА. 

Падчас візіту Прэзідэнта Беларусі ў Кітай абмяркоўваліся розныя тэмы нашага супрацоўніцтва. Але асноўнай беларускі лідар назваў тэхнічную мадэрнізацыю — тое, без чаго немагчыма ўявіць нармальнае развіццё сучаснай дзяржавы. Аляксандр Лукашэнка часта нагадвае пра тое, што вытворчасць і прадпрыемствы павінны развівацца, удасканальвацца для таго, каб быць канкурэнтаздольнымі на рынках. Таму гэты візіт Прэзідэнта Беларусі ў Кітайскую Народную Рэспубліку адкрывае новыя перспектывы. Пэўныя напрацоўкі за гады супрацоўніцтва Беларусі і Кітая ўжо ёсць. Але, як вядома, сутнасць беларуска-кітайскіх адносін у пастаянным прагрэсе. Тым больш што 2024-ы і 2025-ы аб’яўлены гадамі супрацоўніцтва Беларусі і КНР у галіне навукі, тэхналогій і інавацый.

Яўген Барсукоў прызнаны лепшым іграком 11-га тура чэмпіянату па версіі асацыяцыі «Беларуская федэрацыя футбола», паведамляе БелТА.

Віцебскі абласны суд прысудзіў да пажыццёвага зняволення мясцовага жыхара, якога прызналі вінаватым у забойстве з асаблівай жорсткасцю, паведамляе Smartpress. by.

Начальнік аддзела паверхневых вод РУП «Цэнтральны навукова-даследчы інстытут комплекснага выкарыстання водных рэсурсаў» Алена Грамадская расказала, які горад лідзіруе ў экарэйтынгу развіцця рэгіёнаў, паведамляе БелТА.

Гэты маштабны беларуска-расійскі выставачны праект дасць магчымасць акунуцца ў атмасферу народных традыцый, адчуць дух эпохі і дакрануцца да каранёў славянскай культурнай спадчыны. Наведвальнікаў чакае сустрэча з старажытнымі аўтэнтычнымі экспанатамі, эксклюзіўныя фотаработы традыцыйных народных касцюмаў Магілёўскай і Бранскай абласцей.

Часовы павераны ў справах Беларусі ў Калумбіі Кацярына Смаль прыняла ўдзел у ХХХ пасяджэнні Савета міністраў Асацыяцыі карыбскіх дзяржаў (АКД) і Х саміце кіраўнікоў дзяржаў АКД, якія адбыліся ў Картахене і Мантэрыі адпаведна. Аб гэтым паведамляе БелТА са спасылкай на прэс-службу МЗС.