Сеткавае выданне zviazda.by

Прэзідэнт Беларусі Аляксандр Лукашэнка 1 красавіка падпісаў распараджэнне аб правядзенні XXXІV Міжнароднага фестывалю мастацтваў «Славянскі базар у Віцебску». У 2025 годзе ён пройдзе ў перыяд з 10 да 13 ліпеня, паведамілі ў прэс-службе беларускага лідара.

Зялёнаму багаццю ў нашай краіне аддаецца асаблівая ўвага з боку дзяржавы. «Лес ёсць лес. Амаль палова краіны — гэта лес. Гэта наш здабытак, дадзены нам Богам», — казаў Прэзідэнт Беларусі, падкрэсліваючы неабходнасць гаспадарскага стаўлення да гэтага рэсурсу. Летась, падчас знаёмства з ходам работ па ўстараненні наступстваў стыхіі ў Мазырскім раёне Гомельскай вобласці, кіраўнік дзяржавы даў даручэнне аператыўна заняцца лесааднаўленнем і прыцягнуць да гэтага ў тым ліку насельніцтва, працоўныя калектывы, студэнтаў. «Мы павінны за будучы год усё гэта аднавіць, — паставіў задачу Аляксандр Лукашэнка. — Трэба парадак навесці».

Перамога тыдня. Беларуская тэнісістка Арына Сабаленка ўпершыню ў кар’еры выйграла турнір катэгорыі WTA-1000 у амерыканскім Маямі з прызавым фондам 8,9 мільёна долараў. У вырашальным паядынку першая ракетка планеты перамагла амерыканскую тэнісістку Джэсіку Пегулу з лікам 7:5, 6:2. Сустрэча працягвалася 1 гадзіну 29 хвілін.

Завяршыўся адборачны тур ІV Адкрытага рэспубліканскага конкурсу харэаграфічнага мастацтва «Час танцаваць». Арганізатары падвялі прамежкавыя вынікі і апублікавалі спіс удзельнікаў, якія выйдуць на сцэну 5 красавіка ў Канцэртнай зале «Мінск».

Права на адпачынак нам гарантуе Канстытуцыя. Умець праводзіць вольны час цікава і з карысцю — свайго роду талент. А магчымасцяў для гэтага сёння мноства, нават калі гаворка ідзе не пра свабодныя тыдні, а ўсяго толькі пра выхадныя дні. Адказ на пытанне «Куды беларусу паехаць у Беларусі?» шукалі на выстаўцы «Адпачынак-2025».

У канцы красавіка з Магілёва можна будзе ляцець у Маскву, а Брэст звяжуць рэгулярныя рэйсы з Санкт-Пецярбургам. І гэта яшчэ не ўсё, што гатова прапанаваць пасажырам «Белавія», якая сёння носіць статус нацыянальнай авіякампаніі. Кіруемая дзяржавай, кампанія і ў літаральным сэнсе нацыянальная і народная. Народжаная ў 1996-м, «Белавія» разам са сваёй краінай праходзіла ўсе шляхі станаўлення і развіцця. З году ў год яна станавілася ўсё мацнейшай, гучней заяўляла пра сябе поспехамі і здабыткамі. І, як і краіна сёння, напоўніцу адчула прыгнёт санкцыйнага ціску. Але, як і краіна, не здалася, шукала і знаходзіла новыя шляхі развіцця, новыя маршруты палётаў. У выніку і на гэтай траекторыі ўжо дасягнула значных вынікаў, вярнула ўпэўненасць у сабе і здабыла новых партнёраў. Набор вышыні працягваецца.

Сёння ўдзяляецца асаблівая ўвага падтрымцы маладых вучоных, развіццю і ўкараненню іх распрацовак у рэальных сектарах эканомікі. Для гэтага ў нашай краіне ёсць мноства інструментаў — ад дзяржаўных прэмій да міжнародных навуковых форумаў. Пра асноўныя з іх распавялі падчас прэс-канферэнцыі «Моладзь у навуцы: стымуляванне навукова-тэхнічнага і інавацыйнага патэнцыялу Беларусі. Новыя магчымасці для магістрантаў і аспірантаў у 2025 годзе».

Сёлета ў Беларусі плануецца пабудаваць каля 200 зарадных станцый для электрамабіляў. Яны размесцяцца не толькі ў Мінску,
але і на аўтазапраўках і дарогах агульнага карыстання, а таксама ў абласных і раённых цэнтрах. Таксама будзе пабудаваны і рэканструяваны шэраг аўтазаправак. Спецыялісты расказалі, якія аб’екты прыдарожнага сэрвісу з’явяцца ў краіне і якія іх паслугі сёння найбольш запатрабаваны.

Таленавітым спалучэннем лірычнай мелодыі і пяшчотнай паэзіі радуе гледачоў новы цыкл канцэртаў «Стиха и музыки творенье...». Першая праграма цыкла «Белы перазвон» прысвечана рускай паэзіі ХІХ — пачатку ХХ стст. у музычным прачытанні кампазітараў Беларусі і Расіі.

У гэтым месяцы ўступяць у сілу важныя змены для кіроўцаў, некаторыя банкі ўводзяць новыя камісіі, а яшчэ падаражэе арэнда дзяржаўнай нерухомасці.