Сеткавае выданне zviazda.by

Міністэрства антыманапольнага рэгулявання і гандлю ва ўзаемадзеянні з абласцямі, Мінскім гарадскім, раённымі выканаўчымі камітэтамі праводзяць кантрольныя мерапрыемствы ў аб’ектах гандлю па пытанні выканання заканадаўства аб гандлі і абароне правоў спажыўцоў пры рэалізацыі бульбы, расказалі ў профільным міністэрстве.

Першыя гектары ў ААТ «Хмелева» Жабінкаўскага раёна засеялі аўсом яшчэ 4 сакавіка. Тут зусім лёгкія глебы, а снегу сёлета фактычна не было. Як пацяплела, спяшаліся выйсці ў поле, каб зямля не ссыхала, каб максімальна захапіць прыродную вільгаць. Як высветлілася пазней, за гэту работу хмелеўскія аграрыі ўзяліся першымі не толькі ў вобласці, але і ў краіне.

Сёння цяжка ўявіць, што шэсць гадоў таму ААТ «Бягомльскае» было неплацежаздольнай сельгасарганізацыяй Віцебскай вобласці, якая падлягае фінансаваму аздараўленню. Пасля таго як у 2019 годзе прадпрыемства ўвайшло ў склад групы Банка развіцця, тут пачаўся рэнесанс. Сумесныя намаганні новага ўласніка і калектыву прадпрыемства ў гэты перыяд адраджэння былі арыентаваны не толькі на выхад з крызісу, але і на далейшае планамернае развіццё і дасягненне максімальна эфектыўных вынікаў, расказалі ў прэс-службе банка.

Традыцыйна Віцебская вобласць адной з апошніх прыступае да вясновай пасяўной, пры гэтым сёлета большасць палявых работ ужо стартавала, у прыватнасці падкормка азімых збожжавых. Вядуцца работы па падсеве траў, вывазцы і ўнясенні арганічных угнаенняў, у тым ліку з прыцягненнем міжраённых механізаваных атрадаў.

Прафсаюзныя актывісты ў межах акцыі «Дай лесу новае жыццё!» ужо вызначылі аб’екты для сваёй працы. Большая частка з іх знаходзіцца на найбольш пацярпелых тэрыторыях — Гомельшчыне і Магілёўшчыне. Адмысловая ўвага — аднаўленню ветравальна-бураломных лесасек.

Армейскія спартсмены-лучнікі з Беларусі паспяхова выступілі ў першых Міжнародных спаборніцтвах па стральбе з лука, якія адбыліся ў Маскве.

У Беларусі пасеялі раннія яравыя збожжавыя і зернебабовыя культуры (без кукурузы, грэчкі, проса) на 135,2 тыс. га, што складае 22,3 працэнта да плана, паведамляе БелТА са спасылкай на Міністэрства сельскай гаспадаркі і харчавання.

Сёння — дзень Хатынскай трагедыі. Адна з тых жалобных дат, якія не лечыць час. Колькі б гадоў ні мінула — боль не сціхае. І сэрца ў гэты дзень рвецца ад болю і імкнецца ў Хатынь. Каб папрасіць прабачэння ў тых, хто згарэў у тым страшным полымі, каб успомніць іх пайменна. Каб чарговы раз паклясціся ім і самім сабе, што зробім усё, каб ніколі больш «у віхуры пажараў жыццё не ўмірала»...

У параўнанні з мінулым годам сёлета колькасць экспанентаў павялічылася з 311 да больш чым 500. Сярод іх акрамя рэгіёнаў Беларусі будуць прадстаўнікі рэгіёнаў Расійскай Федэрацыі, Узбекістана, Тайланда, Турцыі, Палесціны, Кіргізіі, Кубы. Упершыню ў выстаўцы возьмуць удзел Султанат Аман і Кабардзіна-Балкарская Рэспубліка. Турыстычны форум зацікавіць не толькі прафесіяналаў турыстычнага бізнесу, але і простых грамадзян. Там можна будзе знайсці прапановы адпачынку на любы густ і кашалёк.

Урачыстае мерапрыемства, арганізатарамі якога выступаюць Беларускі прафсаюз работнікаў лесу і прыродакарыстання і Міністэрства лясной гаспадаркі, адбылося ў Палацы Рэспублікі. Удзельнікі — каля 250 работнікаў галіны з усёй краіны.