Сеткавае выданне zviazda.by

У Палацы Незалежнасці — госці з Расіі. Гэтым разам з Пензенскай вобласці, дэлегацыя якой на чале з губернатарам Алегам Мельнічэнкам знаходзіцца ў нашай краіне. Па традыцыі, з кіраўніком расійскага рэгіёна і членамі дэлегацыі сустрэўся і Прэзідэнт Беларусі Аляксандр Лукашэнка. Праграма візіту вельмі насычаная. І, як заўважыў Аляксандр Лукашэнка, гэта вельмі правільна, бо госці з Пензенскай вобласці прыехалі ў Беларусь напярэдадні значных свят — Вялікадня і 80-годдзя Вялікай Перамогі. Паколькі візіт дэлегацыі прыпаў і на Дзень яднання народаў Беларусі і Расіі, госці з Пензенскай вобласці актыўна паўдзельнічаюць у святочных мерапрыемствах.

Зялёнаму багаццю ў нашай краіне аддаецца асаблівая ўвага з боку дзяржавы. «Лес ёсць лес. Амаль палова краіны — гэта лес. Гэта наш здабытак, дадзены нам Богам», — казаў Прэзідэнт Беларусі, падкрэсліваючы неабходнасць гаспадарскага стаўлення да гэтага рэсурсу. Летась, падчас знаёмства з ходам работ па ўстараненні наступстваў стыхіі ў Мазырскім раёне Гомельскай вобласці, кіраўнік дзяржавы даў даручэнне аператыўна заняцца лесааднаўленнем і прыцягнуць да гэтага ў тым ліку насельніцтва, працоўныя калектывы, студэнтаў. «Мы павінны за будучы год усё гэта аднавіць, — паставіў задачу Аляксандр Лукашэнка. — Трэба парадак навесці».

Намеснік прэм’ер-міністра Віктар Каранкевіч у эфіры тэлеканала «Беларусь 1» падзяліўся вынікамі рабочага візіту ўрадавай дэлегацыі Беларусі ў Новасібірскую вобласць, паведамляе БелТА.

У красавіку ў Беларусі вырасце базавая арэндная велічыня, ва ўсіх мабільных аператараў з’явіцца базавы сацыяльны тарыф, адкрываюцца новыя авіярэйсы з абласных цэнтраў, нас чакаюць суботнік і вялікія выхадныя.

Марафон добрых спраў, накіраваны на аднаўленне зялёных насаджэнняў пасля леташняга ўрагану, стартаваў 21 сакавіка і працягнецца па 12 красавіка. Сімвалічна, што сёлетняя акцыя праходзіць у Год добраўпарадкавання. Па традыцыі ініцыятыву актыўна падхапілі супрацоўнікі органаў унутраных спраў і вайскоўцы ўнутраных войскаў.

Паднябесная імкліва пашырае адкрытасць знешняму свету. Гэта адна з дзесяці галоўных задач кітайскаму ўраду, якія былі пастаўлены ў гэтым месяцы падчас «дзвюх сесій» (штогадовыя пасяджэнні Усекітайскага сходу народных прадстаўнікоў і Народнага палітычнага кансультатыўнага савета Кітая). Аб гэтым заявіў Надзвычайны і Паўнамоцны Пасол Кітайскай Народнай Рэспублікі ў Рэспубліцы Беларусь Чжан Вэньчуань падчас прэс-брыфінгу пасольства. Як адзначыў дыпламат, у гэтым працэсе актыўна задзейнічана і наша краіна: «усё больш кітайскіх кампаній выбіраюць Беларусь для супрацоўніцтва, што прыносіць рэальную карысць народам абедзвюх краін».

Прафсаюзныя актывісты ў межах акцыі «Дай лесу новае жыццё!» ужо вызначылі аб’екты для сваёй працы. Большая частка з іх знаходзіцца на найбольш пацярпелых тэрыторыях — Гомельшчыне і Магілёўшчыне. Адмысловая ўвага — аднаўленню ветравальна-бураломных лесасек.

Парк высокіх тэхналогій стаў арэнай гарачых інтэлектуальных баталій: тут завяршыўся трохдзённы хакатон, арганізаваны кампаніяй МТС у партнёрстве з БДУ і Паркам высокіх тэхналогій. Студэнты з усёй краіны кінулі выклік сучасным тэхналогіям і прадставілі свае канцэпцыі развіцця «Інтэрнэту рэчаў» (ІоT).

Падчас рэгіянальнага марафону добраўпарадкавання кіраўніцтва і супрацоўнікі аблвыканкама, абласнога Савета дэпутатаў працавалі на тэрыторыі мемарыяльнага комплексу ў гонар аперацыі «Баграціён» у Светлагорскім раёне. Сабраныя па выніках абласнога суботніка сродкі будуць накіраваны на рэканструкцыю менавіта гэтага месца памяці.

У суботніку прынялі ўдзел начальнік упраўлення ідэалагічнай працы МУС Антон Санкевіч і намеснік начальніка УУС Міншчыны Міхаіл Акуліч. Добраўпарадкаваць тэрыторыю таксама прыбылі супрацоўнікі цэнтральнага апарата міністэрства, абласнога УУС, мясцовага аддзела міліцыі Мінскага РУУС, курсанты Акадэміі і Цэнтра падрыхтоўкі кадраў МУС, ліцэісты і выхаванцы ваенна-патрыятычных клубаў.