Сеткавае выданне zviazda.by

Добрая вестка прыйшла з Алматы. Генеральны дырэктар Інстытута літаратуры і мастацтва імя М. А. Аўэзава Кенжэхан Матыжанаў адзначаў падзякамі «...за каштоўны ўклад у развіццё беларуска-казахскіх літаратурных сувязяў» групу беларускіх пісьменнікаў і арганізатараў выдавецкай справы.

«Вясна» — такую назву носіць паэтычны зборнік класіка айчыннай літаратуры, які нядаўна выйшаў у свет накладам 1500 экзэмпляраў. Укладальнікі дасведчаныя музейшчыкі-купалазнаўцы Галіна Варонава і Надзея Саевіч. Мастак кнігі — адметны кніжны графік Наталля Табушава.

Першая кніга вершаў вядомай беларускай дзіцячай паэтэсы — «Маё пакаленне» — пабачыла свет 90 гадоў назад, у 1935 годзе. Эдзі Агняцвет, чыя творчасць адзначана Міжнародным дыпломам імя Х. К. Андэрсена ( у 1986 годзе — за кнігу вершаў і перакладаў для дзяцей «На двары алімпіяда»), працавала ў літаратуры шмат дзесяцігоддзяў, выдала дзесяткі арыгінальных кніг паэзіі, пераклала вершы паэтаў іншых народаў ( у гісторыі беларуска-французскіх літаратурных сувязяў застанецца падрыхтаваная ёй анталогія французскай паэзіі для дзяцей «Краіна Паэмія»). Ужо пасля смерці паэтэсы (Эдзі Агняцвет пайшла з жыцця ў 2000 годзе) у серыі «Бібліятэка часопіса «Вясёлка» выйшаў яе зборнік «У свеце дабрыні».

Традыцыяй стала правядзенне фестываля дзіцячага чытання «Ідзі, зіма, ідзі ў дарогу!» ў Дзяржаўным літаратурна-мемарыяльным музеі Якуба Коласа. Яго заснавальнікі поруч з музейнай установай — Саюз пісьменнікаў Беларусі, Выдавецкі дом «Звязда», выдавецтва «Беларусь», кнігарня «Акадэмкніга».

Дзіцячую пісьменніцу Кацярыну Хадасевіч-Лісавую добра ведаюць чытачы ўсёй нашай краіны. Аўтар многіх кніг, большасць з якіх пабачыла свет у Выдавецкім доме «Звязда» — удзельнік розных фестываляў дзіцячага чытання, часты госць у бібліятэках і школах.

Раённае свята «Дзень кнігі» адбылося ў Гімназіі горада Дзяржынска. Арганізатарам фестываля, які прыцягнуў увагу сотняў школьнікаў (і нават дашкольнікаў!) і іх бацькоў, усіх кіраўнікоў устаноў адукацыі Дзяржыншчыны, стала ўпраўленне па адукацыі, спорту і турызму Дзяржынскага райвыканкама.

Кацярыну Хадасевіч-Лісавую, дзіцячага празаіка, якая працуе настаўніцай у Ждановіцкай сярэдняй школе Мінскага раёна, добра ведаюць юныя чытачы ўсёй краіны. У творчым актыве пісьменніцы — болей трох дзесяткаў кніг, выдадзеных у розных выдавецтвах Беларусі. Чытачы, бібліятэкары, настаўнікі, бацькі юных чытачоў добра ведаюць літаральна герояў кніг Кацярыны Хадасевіч-Лісавой, з якіх ці не самы яркі і вядомы — Вухуцік.

Вядомы даследчык Віцебскай гісторыі Мікола Півавар выдаў «Краязнаўчы атлас Віцебскага раёна». Унікальнасць працы заключаецца ў тым, што напісана шырокая біяграфія аднаго толькі раёна з разлікам на адлюстраванне турыстычнага патэнцыяла рэгіёна.