Сеткавае выданне zviazda.by

У мерапрыемстве, арганізаваным Міністэрствам прыродных рэсурсаў і аховы навакольнага асяроддзя і Нацыянальным выставачным цэнтрам «БелЭкспа», прымаюць удзел больш за 180 кампаній, якія прадставілі такія аспекты экалогіі, як ахова навакольнага асяроддзя, інавацыйныя тэхналогіі, экатурызм і экалагічная адукацыя і асвета. Сярод замежных гасцей — прадстаўнікі Бразіліі, Казахстана, Кітая, Кыргызстана, Манголіі, Расіі, Узбекістана.

У гонар 80-годдзя Вялікай Перамогі Рэспубліканскае ўнітарнае прадпрыемства «Нацыянальны выставачны цэнтр «Белэкспа» і Нацыянальны цэнтр «Расія» запусцілі праект «Маршруты Перамогі». 

8 мая, напярэдадні святкавання 80-годдзя Перамогі савецкага народа ў Вялікай Айчыннай вайне, Прэзідэнт Беларусі Аляксандр Лукашэнка, як і абяцаў прадстаўнікам працоўных калектываў Мінскага гарадскога тэхнапарка ў студзені гэтага года, афіцыйна адкрыў унікальны Мінскі міжнародны выставачны цэнтр. Чаму ўнікальны? Таму што гэта сапраўды грандыёзнае двухпавярховае збудаванне, якое не мае аналагаў у Беларусі, агульная плошча якога (закрытая і адкрытая часткі) складае больш за 37 тысяч квадратных метраў.

Многія тэхнічныя рашэнні, якія выкарыстоўваліся пры будаўніцтве Мінскага міжнароднага выставачнага цэнтра BELEXPO, калі не ўнікальныя, то адпавядаюць самым сучасным тэндэнцыям. Аб гэтым БелТА паведаміла намеснік дырэктара па выставачнай дзейнасці «БелЭкспа» Вікторыя Агафонава.

У параўнанні з мінулым годам сёлета колькасць экспанентаў павялічылася з 311 да больш чым 500. Сярод іх акрамя рэгіёнаў Беларусі будуць прадстаўнікі рэгіёнаў Расійскай Федэрацыі, Узбекістана, Тайланда, Турцыі, Палесціны, Кіргізіі, Кубы. Упершыню ў выстаўцы возьмуць удзел Султанат Аман і Кабардзіна-Балкарская Рэспубліка. Турыстычны форум зацікавіць не толькі прафесіяналаў турыстычнага бізнесу, але і простых грамадзян. Там можна будзе знайсці прапановы адпачынку на любы густ і кашалёк.

Выстава дасягненняў суверэннай Беларусі стала праектам, якім адкрыўся Мінскі міжнародны выставачны цэнтр: з яе пачалася гісторыя ММВЦ. Але, напэўна, нават самі арганізатары не чакалі такой папулярнасці экспазіцыі «Мая Беларусь». З моманту адкрыцця — 28 снежня — выставу наведала ўжо больш за 300 тысяч чалавек.

Першы беларускі электрамабіль і сімулятар кіравання трактарам, магчымасць набыць лекі ў робата-аптэкара і атрымаць глазураваны сырок у робата-дэгустатара, «памерацца ростам» з колам БелАЗа і адчуць на далонях «зорны пыл»... Калі вам не хапіла яркіх навагодніх уражанняў, свята для дзяцей, ды і для сябе асабіста, можна падоўжыць, пабываўшы на выставе дасягненняў «Мая Беларусь».