Сеткавае выданне zviazda.by

Кіраўнік ААТ «Ляснянскі Агра» Анатоль Камароў ацэньвае сёлетні ўраджай збожжавых на «выдатна». Летась непагадзь палажыла шмат пасеваў, а вось цяпер пакуль усё добра — нядаўняя бура абышла раён бокам. На днях тут прыступілі да ўборкі аўса, ураджайнасць якога складае 40 ц/га. Надвор’е між тым няўстойлівае, трэба спяшацца сабраць збожжа. Аграрый прызнаецца, што вельмі дапамагаюць гаспадарцы памочнікі, якія стала ў гаспадарцы не працуюць. Сярод іх — і ратавальнік-кіроўца Станіслаў Сомаў.