Сеткавае выданне zviazda.by

Пагадненне аб гэтым падпісалі сёння ў нацыянальным прафцэнтры старшыня Федэрацыі прафсаюзаў Беларусі Юрый Сянько і старшыня РГА «Патрыёты Беларусі» Мікалай Зарубіцкі.

Мерапрыемства адбылося ў рамках сумеснага праекта ФПБ і РГА «Патрыёты Беларусі» «Захаваем гісторыю». Ініцыятыва накіравана на захаванне гістарычнай памяці і прыцягненне ўвагі дзяцей і моладзі да мінулага Беларусі. Грамадскія арганізацыі алічбоўваюць гістарычныя даныя і ў далейшым устанаўліваюць па ўсёй краіне ў памятных месцах інфармацыйныя стэнды з нанесеным спецыяльным QR-кодам. Код вядзе на інтэрнэт-платформу, дзе можна даведацца пра гісторыю канкрэтнага месца, праслухаць аўдыязапіс і нават прагледзець гістарычнае відэа.