У чым сакрэт поспеху беларускіх санаторыяў
Айчынныя здраўніцы летам будуць працаваць з поўнай загрузкай. Для гэтага пастаянна паляпшаецца іх матэрыяльна-тэхнічная база — будуюцца новыя карпусы, закупляецца самае сучаснае медыцынскае абсталяванне, з’яўляюцца новыя методыкі лячэння. Для прыцягнення больш маладых адпачывальнікаў змяняецца і сам фармат санаторна-курортнага аздараўлення: сёння гэта размяшчэнне атэльнага тыпу, «шведскі» стол, абсталяванне тэрыторыі варкаўт-пляцоўкамі, вулічнымі трэнажорамі і нават полем для гольфа, а пляжаў — сучаснымі шатрамі, навесамі і іншай мэбляй. І ўсё гэта і знешне, і па напаўненні зусім не саступае замежным курортам. Высветлілі, якім чакаецца ў беларускіх здраўніцах летні сезон і што прапануецца наведвальнікам.
Што прапануюць на лета беларускiя санаторыi?
Здароўе людзей з’яўляецца адным з ключавых клопатаў дзяржавы. Пра гэта ў чарговы раз нагадаў Прэзiдэнт Беларусi Аляксандр Лукашэнка на сустрэчы 14 красавiка са старшынёй Мiнскага гарвыканкама. Важным складнiкам здаровай нацыi з’яўляецца аздараўленне як дзяцей, так i дарослых, i наша краiна — адна з нямногiх на постсавецкай прасторы, дзе такiя магчымасцi ёсць, прычым з дзяржаўнай падтрымкай. У апошнiя гады попыт на пуцёўкi ў дзiцячыя лагеры i санаторна-курортныя арганiзацыi павялiчваецца. Сёлета ў летнiя месяцы плануецца аздаравiць каля 400 тысяч дзяцей i больш за 150 тысяч дарослых. Колькi будзе каштаваць пуцёўка ў дзiцячы лагер i санаторый? Цi засталiся яшчэ месцы ў здраўнiцах на чэрвень—жнiвень? Чым беларускi санаторый выгадна адрознiваецца ад курортаў Турцыi i Егiпта? Пра гэта расказаў дырэктар Рэспублiканскага цэнтра па аздараўленнi i санаторна-курортным лячэннi насельнiцтва Генадзь Балбатоўскi.
