Сеткавае выданне zviazda.by

Тое, з якім нецярпеннем магілёўскія тэатралы чакалі гэтай падзеі, было бачна няўзброеным вокам. Прыбраныя, з усмешкамі і добрым настроем, яны займалі месцы ва ўтульнай глядацкай зале, пілі каву ў абноўленай тэатральнай кавярні, з замілаваннем слухалі выступленне ансамбля «Экспромт-Класіка-Квартэт», фатаграфаваліся на фоне эфектнага дэкору. Чарговы 139-ы сезон Магілёўскі абласны драмтэатр вырашыў пачаць з апошняй прэм’еры мінулага сезона «Пара кахання». І не прагадаў. У зале быў поўны аншлаг.

У Магілёўскім абласным драмтэатры адбылася прэм’ера лірычнай камедыі па п’есе савецкага пісьменніка Валянціна Катаева «Пара кахання» ў пастаноўцы рэжысёра Надзеі Новікавай. Паказ прайшоў з аншлагам.