Сеткавае выданне zviazda.by

Верасень адкрывае пік грыбнога сезона — і адначасова самы напружаны перыяд для ратавальнікаў і міліцыі. Лясы напаўняюцца грыбнікамі, а разам з гэтым расце колькасць тых, хто губляе арыенціры і не можа выбрацца самастойна. Як паказвае практыка, часцей за ўсё ў бяду трапляюць пажылыя людзі і дзеці, але і вопытны мясцовы жыхар можа зайсці ў глыбіню гушчару ў азартным паляванні за баравікамі.