Сеткавае выданне zviazda.by

У сценах вядучай кузні медыцынскіх кадраў краіны адбылася сустрэча з прафесарска-выкладчыцкім складам вышэйшай навучальнай установы, прымеркаваная да Дня медыцынскіх работнікаў. Найперш парламентарыі на чале са Старшынёй Палаты прадстаўнікоў Ігарам Сергяенкам азнаёміліся з выстаўкай навукова-адукацыйных дасягненняў БДМУ, дзейнасцю сімуляцыйнай стаматалагічнай клінікі, навучальнымі аперацыйнай і педыятрычным аддзяленнем, дзе будучыя ўрачы асвойваюць практычныя навыкі аказання медыцынскай дапамогі. Увазе дэпутатаў быў прадстаўлены і вучэбна-трэніровачны цэнтр тактычнай медыцыны, на базе якога ваеннаслужачыя з усёй краіны адпрацоўваюць дзеянні пры аказанні меддапамогі ў баявых умовах.