Навiны
Прэзідэнт правёў нараду па асобных пытаннях сацыяльна-эканамічнага развіцця
Адно з пытанняў, разгледжаных у Палацы Незалежнасці, датычылася мадэрнізацыі сельскагаспадарчай вытворчасці. У прыватнасці, перадачы дзяржаўных актываў у аграпрамысловым комплексе ў кіраванне прыватным кампаніям. Пытанне, якое абмяркоўвалася на прыкладзе Віцебскай вобласці, было маштабіравана да рэспубліканскага ўзроўню. Практыка сумеснага абмеркавання актуальных тэм ужо стала традыцыяй. Па словах беларускага лідара, такі фармат дазваляе прымаць вывераныя і дакладныя рашэнні.
Тры маштабныя праекты рэалізуюць у Шклоўскім раёне
Моцныя рэгіёны — прыярытэт у развіцці дзяржавы, бо менавіта тут закладваецца базіс квітнеючай краіны. Так, у Шклоўскім раёне працуе над фарміраваннем базавых прадпрыемстваў Кіраўніцтва справамі Прэзідэнта — хуткімі тэмпамі вядзецца будаўніцтва сучаснага малакаперапрацоўчага завода, рэканструкцыя аграсэрвісу і камбікормавага завода. Усе гэтыя праекты — на асаблівым кантролі, бо яны будуць не толькі драйверамі развіцця раёна і Магілёўскай вобласці, але і стануць узорам для тыражавання гэтага вопыту ў маштабах краіны. Карэспандэнт БелТА пабывала ў Шклове і даведалася, як ідуць работы і чаму на гэтыя прадпрыемствы робяць вялікую стаўку.
