Сеткавае выданне zviazda.by

Як паведаміў віцэ-прэзідэнт кампаніі Capacity Short Drama Ху Чаацін, у мінулым годзе ў сферы інтэрнэт-міні-серыялаў аб’ём замежнага рынку дасягнуў 4 млрд долараў ЗША, а сёлета, як чакаецца, перавысіць 5 млрд долараў, перадае «Жэньмінь жыбаа» анлайн».

Кітайская індустрыя сеткавай літаратуры працягвала расці як па маштабах, так і па глабальным уплыве. Так, па стане на канец мінулага года агульная колькасць адпаведных твораў у Кітаі перавысіла 33 млн., а колькасць зарэгістраваных замежных чытачоў гэтых твораў склала каля 250 млн., перадае «Сіньхуа».

Гісторыя жыцця Джорджа Армані стане асновай для новага серыяла, паведамляе Variety. Вытворчасцю праекта, у якога пакуль няма назвы, зоймецца італьянская кампанія Lux Vidе сумесна з модным домам Armani. Рэжысёрам выступіць Ферзан Аспетэк, сцэнарый ён напіша разам з Франчэска Арланчам. Брэнд Armani прадаставіць здымачнай групе доступ да архіваў, рэчаў і лакацый, звязаных з дызайнерам.

Warner Bros. патраціць 1 млрд фунтаў стэрлінгаў (каля $1,25 млрд) на стварэнне міні-горада ў Вялікабрытаніі для здымак серыяла «Гары Потэр». Пра гэта паведамляе Smartpress.