Сеткавае выданне zviazda.by

Пяты сезон самага рэйтынгавага музычнага шоу Беларусі ўчора, 23 студзеня, падышоў да свайго лагічнага завяршэння. У суперфінале за перамогу змагаліся двое падапечных Дзяніса Клявера, а таксама прадстаўніца каманды Вольгі Бузавай. Пераможцу па традыцыі выбіралі выключна гледачы. Як адзначылі ў прамым эфіры вядучыя, удзел у галасаванні сёлета прыняла рэкордная 151 тысяча чалавек! Такім чынам, пераможцам пятага сезону шоу стаў Ібрагім Карасаў. Другое месца заняў Клім Астрамовіч, трэцяе — у Аліны Гурэвіч.

Урачыстая цырымонія ўзнагароджання фіналістаў XIV рэспубліканскага творчага радыёконкурсу «Маладыя таленты Беларусі — 2025» пройдзе на сцэне Рэспубліканскага палаца культуры прафсаюзаў 14 снежня, паведамілі БелТА ў прэс-службе Белтэлерадыёкампаніі.

З 1 па 30 верасня пройдзе прыём заявак на ўдзел у XIV Рэспубліканскім творчым радыёконкурсе «Маладыя таленты Беларусі», паведамляе прэс-служба Белтэлерадыёкампаніі. Новы сезон праекта пройдзе пад знакам 80-годдзя Перамогі савецкага народа ў Вялікай Айчыннай вайне і 100-годдзя беларускага радыёвяшчання. Заявіць аб сабе ў адным з самых прэстыжных творчых спаборніцтваў змогуць юныя вакалісты і музыканты ва ўзросце ад 10 да 18 гадоў.

Некалькі месяцаў таму аб невялікім горадзе Сянно, што ў Віцебскай вобласці, даведаліся мільёны тэлегледачоў канала НТБ. Паўфіналістам праекта «Ты супер!», у якім удзельнічаюць дзеці, што засталіся без апекі бацькоў, стаў выхаванец Сенненскага дзіцячага дома Ваня Мальцаў. А напрыканцы студзеня юная зорачка разам з Пятром Елфімавым і Мікалаем Лукашэнкам выканала на сцэне «Мінск-арэны» легендарную беларускую «Малітву» ў рамках канцэрта рэспубліканскай акцыі «Марафон адзінства». І, бадай, ніводны беларус не застаўся абыякавы.

Гэты будынак ў пастэльных тонах размясціўся ў Магілёве на пешаходнай вуліцы Ленінскай па суседству з музеям В.К. Бялыніцкага-Бірулі. На яго адкрыццё прыйшла ўся яўрэйская суполка Магілёва. Прысутныя не хавалі радасці. Асветніцкі цэнтр будавалі больш за 10 гадоў. Рэалізацыя праекта стала магчымай, дзякуючы падтрымцы абл- і гарвыканкама, спонсараў, неабыякавых землякоў. З віншавальнымі словамі да прысутных звярнуўся старшыня Магілёўскага аблсавета Аляксандр Гарошкін.

Адзін з самых каштоўных вобразаў, створаных на кінастудыі «Беларусьфільм», — Скарына, якога сыграў Алег Янкоўскі. Можна сказаць, што майму пакаленню кінагледачоў моцна пашанцавала, бо мы атрымалі Скарыну ў выглядзе сучаснай кіназоркі, а не немаладога дзядзькі, выразанага на дрэве ў часы далёкага Адраджэння. Наш Скарына разам з Алегам Янкоўскім быў не толькі перакладчыкам ды ілюстратарам старазапаветных тэкстаў, не толькі біблеістам і кнігавыдаўцом. Дзякуючы Янкоўскаму ён быў, а для многіх і застаецца яшчэ і секс-сімвалам савецкага кіно.