Перад пачаткам урачыстай часткі рэспубліканскага свята адзначылі каля 40 найлепшых педагогаў краіны. Ва ўзнагароджанні прыняў удзел першы намеснік кіраўніка Адміністрацыі Прэзідэнта Уладзімір Пярцоў. 

«Я ішоў сюды і думаў, чаму Дзень настаўніка — усенароднае свята. Напэўна, таму што адукацыя ад дзіцячага сада да ВНУ, у тым ліку школы і каледжы, — гэта калі не ўся краіна, то палова дакладна. А калі дадаць сюды бацькоў, дзядуляў, бабуль — усіх, хто перажывае, спачувае, — то гэта напэўна ўся краіна. У гэты дзень мы збіраемся для таго, каб ад імя ўсёй краіны, ад удзячных бацькоў, ад кіраўніцтва дзяржавы сказаць педагогам цёплыя словы падзякі. Маем на гэта права, паколькі вы не проста вучыце, не проста даяце веды, вы фарміруеце асобы, вы ствараеце сапраўдных патрыётаў, вы 24/7, нават больш часам, чым родныя мамы і таты, з дзецьмі на сувязі. І нават калі яны заканчваюць навучальныя ўстановы, вы ўсё роўна працягваеце сачыць за іх лёсам, маеце зносіны ў класных групавых чатах, хвалюецеся, пытаецеся, цікавіцеся. Гэта прафесія вялікага сэрца, гэтае пакліканне, якое даецца ад бога, і ўжо дакладна не меркантыльны фінансавы выбар. Кожны год у гэты дзень гаворым вам словы падзякі, нізкі паклон вам за тую работу, якую вы робіце», — сказаў першы намеснік кіраўніка Адміністрацыі Прэзідэнта.

Заслужаныя ўзнагароды — граматы, падзякі Савета Міністраў, Адміністрацыі Прэзідэнта, Старшыні Савета Рэспублікі Нацыянальнага сходу, Беларускага прафсаюза работнікаў адукацыі і навукі, а таксама нагрудныя знакі «Выдатнік адукацыі» атрымалі каля 40 чалавек.

Алена ВІНАГРАДАВА 
Фота Віктара ІВАНЧЫКАВА