Інтуіцыя — гэта заўсёды ваша ПЕРШАЯ думка.

На чым заснавана інтуіцыя? Інтуі́цыя (познелат. intuitio «сузіранне» ад гл. intueor «пільна гляджу») — здольнасць чалавека разумець і пранікаць у сэнс падзей і сітуацый пасродкам аднамомантнай несвядомай высновы — азарэння. Інтуіцыя заснавана на ўяўленні, эмпатыі і мінулым досведзе.

Інтуіцыя лепш за ўсё працуе, калі вас мучыць дрэннае прадчуванне ці вы, апынуўшыся перад складаным выбарам, выпадкова прымаеце дакладнае рашэнне. Звычайна інтуіцыя суб’ектыўная, выяўляецца спантанна і, як можа здацца, незалежна ад вашага меркавання. 

Як даведацца, што вам падказвае інтуіцыя? Адзін са спосабаў выкарыстоўваць сваю інтуіцыю — спачатку распазнаць, калі яна пасылае вам паведамленне. Сігналы інтуіцыі — гэта эмоцыі, такія, як страх і неспакой, а таксама фізічныя адчуванні — такія, як пачуццё напружання і настойлівыя думкі, сны і падазрэнні. Адзін з самых недаацэненых сігналаў інтуіцыі — гэта замяшанне.

Як спрацоўвае інтуіцыя? Сёння сувязь інтуіцыі і эмоцый пацвярджаецца. Паводле сучасных уяўленняў, яна спрацоўвае дзякуючы распазнанню новай інфармацыі і параўнанні яе з папярэднім досведам. 

Моцная інтуіцыя — гэта добра наладжаны канал, які перадае сігнал ад несвядомага да прытомнасці.

Калі абвастраецца інтуіцыя? У некаторых людзей такая здольнасць праяўляецца ў нейкія пэўныя моманты жыцця, але з цягам часу знікае. Напрыклад, інтуіцыя абвастраецца ў закаханых, маладых бацькоў. Яна добра развіта ў творчых людзей, пісьменнікаў, акцёраў, музыкаў, мастакоў. 

Чаму ў некаторых людзей інтуіцыя развіта лепш, чым у іншых? Адна з асноўных прычын таго, што некаторыя людзі больш інтуітыўныя, чым іншыя, заключаецца ў тым, што яны на самой справе прыслухоўваюцца да сваіх унутраных адчуванняў, а не адпрэчваюць іх і не падвяргаюць сумневу.

Як зразумець, што ў чалавека добрая інтуіцыя? Людзі з добрай інтуіцыяй часцей канцэнтруюцца на дэталях, якія для іншых застаюцца незаўважанымі. Яны здольныя ўлоўліваць мноства дэталяў і прадбачыць найблізкую будучыню. Яны цесна эмацыйна звязаны з іншымі людзьмі. 

Эмпатыя — адно з сакрэтных асноў інтуіцыі.

Інтуіцыя — гэта заўсёды першая думка. Калі вы прынялі правільнае рашэнне пасля некалькіх гадзін абдумвання, гэта значыць што вы ўзважылі ўсё за і супраць, прааналізавалі ўсе варыянты і на аснове гэтага вырашылі, што вам рабіць. Абодва падыходы выдатныя і могуць спалучацца. Але, калі ў вас мала часу і трэба вырашыць адразу, на выручку прыходзіць інтуіцыя. Калі ж часу нашмат больш, вы можаце сабе дазволіць аналізаваць і планаваць свае дзеянні і рашэнні. Практыкуйцеся ў развіцці сваёй інтуіцыі і з досведам яна стане выручаць вас нашмат часцей.

Як узмацніць інтуіцыю? Добрая навіна ў тым, што інтуіцыю можна развіваць. За яе адказвае правае паўшар’е мозгу. Яно ж дапамагае нам распазнаваць эмоцыі і пачуцці. Таму развіваць інтуіцыю можна праз уменне прыслухоўвацца да сябе і сваіх адчуванняў.

Давер. Калі вы адчуваеце, што не можаце давяраць чалавеку, хутчэй за ўсё гэта правільнае пачуццё. Тут не толькі ў інтуіцыі справа, мозг чалавека счытвае інфармацыю аб суразмоўцы, яго паводзінах, манеры і жэстах. Калі ж у вас няма магчымасці ўбачыць чалавека ўжывую, тады да справы падключаецца шостае пачуццё ў поўнай меры. 

Вельмі важна ўсведамляць, што менавіта гаворыць з вамі ўнутры вас — інтуіцыя, страх, сумненне або мінулы досвед. Калі вы разумееце, з якім пачуццём маеце справу, вы пераходзіце на новы ўзровень. Інтуіцыя мяркуе веру і прадчуванне. 

• Дзеянне. Інтуіцыя развіваецца лепей пасля дзеянняў і рашэнняў, чым да іх. Таму прымайце рашэнні і дзейнічайце, прыслухоўваючыся да шостага пачуцця, а не падвяргайце ўсё крытыцы пры гэтым не робячы нічога. Зрабіце першы крок і паглядзіце, што будзе. Калі вы пачынаеце свой шлях у бізнэсе, у вас не можа быць абсалютна ніякай інтуіцыі ў гэтай сфэры. Спрабуйце сябе, рабіце памылкі і глядзіце, чаму гэта вас навучыць. Многія людзі так і не пачынаюць займацца бізнесам проста таму, што ведаюць прыклады, калі іх знаёмыя страцілі шмат грошай і прагарэлі. Яны не думаюць аб тых, у каго ўсё атрымалася. У гэтым выпадку імі кіруе толькі страх.
• Вера. Дзіўна, але вера ў сябе, у людзей ці Сусвет дазваляе чалавеку зрабіць нашмат больш, чым калі ён да ўсяго ставіцца з асцярогай. Чым бы вы ні займаліся, вам патрэбная вера ў сябе і ў тое, што вы займаецеся правільнай справай і можаце дапамагчы людзям. Вера можа быць сляпой, аднак у нашым выпадку вельмі важна шукаць пацверджанні. Калі вы верыце ў сваю творчасць ці свой бізнэс, чытайце гісторыі людзей, якія дабіліся поспеху ў гэтых сферах. А лепш знаёмцеся з імі асабіста. Вера ў людзей прыводзіць да таго, што вы перастаеце баяцца новых знаёмстваў і вучыцеся супрацоўнічаць з імі. Нават калі калі-небудзь вас падвядуць, усё роўна верце да канца. Часам нават дрэнны чалавек здольны на добрыя ўчынкі,калі ў яго вераць і давяраюць яму.
• Першая думка. Гэта самы складаны крок, таму што людзі так абвыклі ўсё падвяргаць сумневу. Задайце сабе прамое пытанне і прыслухайцеся да першага адказу. Гэта не значыць, што ён правільны, аднак на практыцы вы навучыцеся разумець, інтуітыўная гэта думка ці ж крытычная. Спачатку ў галаву можа прыйсці адразу некалькі думак і будзе вельмі цяжка зразумець, якая з іх была першай. Тады запішыце ўсе свае думкі на паперы і прачытайце кожную з іх асобна. Тая, якая выкліча найболей моцны водгук, хутчэй за ўсё і будзе той самай інтуітыўнай думкай.

Фота: pexels. com