Узвядзенне царквы ў вёсцы Сіманічы без перабольшвання называюць народнай будоўляй: мясцовыя жыхары і прыхаджане з суседніх вёсак не толькі ахвяруюць уласныя грошы, але і бяруць непасрэдны ўдзел у будаўнічых работах.
Ходам аднаўленчых работ кіруе мясцовы святар айцец Іаан (Іван Харытонавіч Палын). Ужо дзейнічае новазбудаваная царква Богаяўлення, побач з ёю ўзводзіцца царква-званіца Параскевы Пятніцы. Працы яшчэ шмат і, не зважаючы на марознае надвор'е, яна не спыняецца. Многія складаныя работы выконвае сам святар (на фота). Вяскоўцы ведаюць, што ў духоўнага настаўніка яшчэ і залатыя рукі.
Анатоль Кляшчук.
Фота аўтара.
Лельчыцкі раён.
«Дзесяцігоддзі школьнае харчаванне нашых дзяцей будавалася на аснове зборніка рэцэптур».
Што за таемнымі дзвярыма?