Першакурснік механіка-матэматычнага факультэта БДУ Павел Бацылеў стварыў мабільны дадатак на беларускай мове «У саюз з сябрамі». Прэзентацыя новай сацыяльнай сеткі адбылася на 42‑м з'ездзе БРСМ.
Распрацоўка прызначана для аперацыйнай сістэмы Аndrоіd. Сэрвісу патрабуецца інтэрнэт-злучэнне і ўключэнне геалакацыі. Дзякуючы дадатку «У саюз з сябрамі», актыўны карыстальнік здольны даведацца не толькі пра месцазнаходжанне сяброў, але і на якой адлегласці яны знаходзяцца. Акрамя таго, праграма забяспечвае бясплатныя стасункі ў анлайн-рэжыме. Таксама створаны дадатак гарантуе адначасовы доступ да папулярных старонак у сацыяльнай сетцы «ВКонтакте» і да персанальнай інфармацыі.
На рэалізацыю свайго праекта першакурснік Павел Бацылеў выдаткаваў грант, які ён атрымаў як пераможца конкурсу «100 ідэй для Беларусі». Дарэчы, перамогу яму прынёс таксама мабільны дадатак «Хімія Х10». Сёння ім карыстаецца ўжо больш за 70 тысяч маладых людзей па ўсім свеце.
Надзея НІКАЛАЕВА
Сумесныя праекты ядзерных тэхналогій.