Першая абарона магістарскіх дысертацый на англійскай мове адбылася на факультэце міжнародных адносін БДУ. Аўтары навуковых прац — грамадзяне Германіі, Кітая, Ірака, Лівіі і Казахстана. На працягу двух гадоў яны навучаліся ў англамоўнай магістратуры па спецыяльнасці «гісторыя міжнародных адносін і знешняй палітыкі».
Тэматыка дысертацый ахоплівала шэраг актуальных праблем сучасных міжнародных адносін і знешняй палітыкі розных дзяржаў. У прыватнасці, магістранты даследавалі ўплыў падзей «Арабскай вясны» на міжнародныя адносіны на Блізкім Усходзе і ў Паўночнай Афрыцы, перспектывы расійска-кітайскага збліжэння, міжнароднае супрацоўніцтва ў забеспячэнні бяспекі ядзерных матэрыялаў і інш.
Факультэт міжнародных адносін БДУ плануе ў найбліжэйшы час пашырыць спіс спецыяльнасцяў англамоўнай магістратуры і распрацаваць шэраг новых магістарскіх праграм для беларускіх і замежных студэнтаў.
Надзея НІКАЛАЕВА
Сумесныя праекты ядзерных тэхналогій.
У парадку дня — зацвярджэнне Канцэпцыі нацбяспекі і Ваеннай дактрыны.