Вы тут

Дзяўчына, чамадан, самалёт... альбо Шчаслівы мільён


З Беларусі адпраўлена мільённая паштоўка праз посткросінг, сучасную сістэму абмену паштоўкамі па ўсім свеце.

Гэта адбылося ўначы 25 жніўня, і посткросерскія суполкі ў сацыяльных сетках актыўна сачылі за працэсам. Самыя заўзятыя аматары спаборнічалі, каб скарыстацца шанцам адправіць мільённую паштоўку з Беларусі. Шчаслівы шанц атрымала Вольга Мурашка, 28-гадовая мінчанка, выкладчыца англійскай мовы на факультэце міжнародных адносінаў у БДУ. Вольга расказала, што даведалася аб посткросінгу ад сябровак, сама пачала займацца ім больш за два гады таму і атрымлівае ад гэтага вялікае задавальненне.

— Я з мільённай паштоўкай нібыта Оскар выйграла, бо атрымала столькі віншаванняў, — смяецца Вольга. — Дзякуй усім вялікі! Гэта вельмі прыемна. Нібыта простая падзея, а столькі радасці. Заўважце, нічога матэрыяльнага — проста эмоцыі і стасункі з цікавымі людзьмі. За гэта я і люблю посткросінг!

Што такое посткросінг, ведаюць ужо вельмі многія ў Беларусі. Калі коратка, гэта міжнародны абмен паштоўкамі, які атрымаў папулярнасць у многіх краінах. У посткросінгу гарманічна спалучаюцца пошта і інтэрнэт: удзельнік дасылае паштоўкі па выпадковых адрасах, якія выдае сайт, і атрымлівае паштоўкі ад іншых карыстальнікаў з усяго свету.

 

У посткросінгу бяруць удзел больш за 17 тысяч беларусаў. Увогуле па ўсім свеце — больш за 400 тысяч удзельнікаў з дзвюх соцень краін. Найбольш актыўныя — Германія, ЗША, Нідэрланды, Фінляндыя, Расія

. І замыкае шасцёрку лідараў па колькасці адпраўленых паштовак Беларусь.

Мільённая паштоўка з Беларусі накіруецца ў Літву, на Балтыйскае ўзбярэжжа. Дзяўчына, якая жыве ў Клайпедзе, любіць паштоўкі з чорна-белымі выявамі. Вольга Мурашка расказала, што яна падабрала для яе работу беларускага фотамастака: дзяўчына, чамадан, самалёт. Што ж, і посткросеры лічаць, што яны, няхай і завочна, могуць вандраваць па свеце і знаёміцца з людзьмі дзякуючы свайму хобі.

— Я ўжо атрымала і даслала звыш 800 паштовак, — расказала Вольга. — Мне больш падабаецца менавіта дасылаць, каб дагадзіць чалавеку, зрабіць яму прыемнае. А сама найбольш люблю паштоўкі "з гісторыяй", якія пра нешта гавораць, прымушаюць задумацца альбо проста ўсміхнуцца!

З нагоды адпраўкі мільённай беларускай паштоўкі ў сістэме посткросінгу нават з'явіўся новы акаўнт "BY-1000000". І цяпер у пасткросерскіх суполках чакаюць новых "круглых" і проста цікавых нумароў. Напрыклад, 1111111 альбо 1234567.

Прадпрыемства "Белпошта" выпускае паштоўкі для посткросераў і прыгожыя маркі. У серыі з відамі, славутасцямі, флорай і фаўнай Беларусі ёсць, дарэчы, прыгожыя работы фотамайстра "Звязды" Анатоля Клешчука. А ў планах "Белпошты" на пачатак 2014 года — выпуск маркі "Шчаслівага посткросінгу!"

Ілона Іванова

Выбар рэдакцыі

Эканоміка

У Брэсцкай вобласцi першымi ўкаранiлi практыку выязных прыёмаў дзяржрэгiстратараў

У Брэсцкай вобласцi першымi ўкаранiлi практыку выязных прыёмаў дзяржрэгiстратараў

Хто валодае нерухомай маёмасцю альбо ўчасткам зямлi, ведае, як важна мець адпаведныя дакументы на сваю ўласнасць.

Эканоміка

Як генафонд раслін адаптуецца да змен клімату

Як генафонд раслін адаптуецца да змен клімату

Работа па вывучэннi генетычных рэсурсаў раслiн у Беларусi была пачата яшчэ ў 20-я гады мiнулага стагоддзя.

Грамадства

Паэт Iван Юркiн: З жонкай упершыню пацалаваўся ў дзень вяселля 47 год таму

Паэт Iван Юркiн: З жонкай упершыню пацалаваўся ў дзень вяселля 47 год таму

Песнi на вершы Iвана Юркiна карыстаюцца вялiкай папулярнасцю. Хто не ведае гiмна гасцiннасцi нашай краiны — «Прыязджайце да нас у Беларусь»? Вось таму было цiкава пазнаёмiцца з музай паэта — яго жонкай Надзеяй Iванаўнай.