Вы тут

Стандарты сацыяльных паслуг: новае ў 2014-м


— У нашай краіне распрацоўваюцца дзяржаўныя стандарты, якія рэгламентуюць патрабаванні да аб'ёму і якасці сацыяльных паслуг, умоў і парадку іх аказання, — заявіў на прэс-канферэнцыі, прысвечанай Дню пажылых людзей, намеснік міністра працы і сацыяльнай абароны Беларусі Аляксандр РУМАК.

Калі будуць распрацаваны і зацверджаны гэтыя стандарты, то, паводле слоў Аляксандра Румака, усе арганізацыі, якія аказваюць сацыяльныя паслугі, як дзяржаўныя, так і недзяржаўныя, будуць абавязаны забяспечыць устаноўлены дзяржстандартамі ўзровень сацыяльнага абслугоўвання.

Плануецца, што стандарты сацыяльных паслуг будуць укаранёны ў 2014 годзе. Адначасова мясцовыя ўлады вядуць актыўны пошук новых рашэнняў па жыццеўладкаванні непрацаздольных грамадзян. Укараняюцца такія новыя формы работы, як дамы зімоўкі, дамы самастойнага і сезоннага пражывання, прыёмныя і гасцявыя сем'і для пажылых людзей, санаторыі на даму і іншыя.
Паводле слоў намесніка міністра працы і сацыяльнай абароны, менавіта арганізацыя сацыяльнага абслугоўвання пажылых людзей з'яўляецца вядучым звяном у сістэме сацыяльнай падтрымкі.

Гэта звязана, у тым ліку, і з такой з'явай, як старэнне насельніцтва Беларусі. У адпаведнасці з класіфікацыяй ААН, насельніцтва лічыцца старым, калі доля людзей ва ўзросце 65 гадоў і старэй складае 7% і больш. Па звестках, прадстаўленых Белстатам, на пачатак 2013 года ў рэспубліцы доля гэтай узроставай групы дасягнула 13,8 %, у гарадах і пасёлках гарадскога тыпу — 11,4 % , у сельскай мясцовасці — 21,5 % .

— Пажылыя людзі маюць прыярытэт і ў медыцынскім абслугоўванні, — заявіла на прэс -канферэнцыі намеснік начальніка Галоўнага ўпраўлення арганізацыі медыцынскай дапамогі — начальнік аддзела першаснай медыка-санітарнай дапамогі Міністэрства аховы здароўя Людміла ЖЫЛЕВІЧ, — перш за ўсё таму, што гэтая катэгорыя насельніцтва патрабуе шмат увагі. У нас у краіне ёсць герыятрычныя цэнтры, а таксама кафедра, якая займаецца пытаннямі герыятрыі, г.зн. лячэння асоб пажылога ўзросту.

Штогод у нашай краіне праводзяцца комплексныя медыцынскія агляды ветэранаў Вялікай Айчыннай вайны, інвалідаў і асоб, прыраўнаваных да іх. Як правіла, гэтыя агляды заканчваюцца 1 мая, што дазваляе да гэтага тэрміну сфарміраваць індывідуальныя праграмы рэабілітацыі. Адзначыла Людміла Жылевіч і добрую тэндэнцыю апошніх гадоў — зніжэнне смяротнасці людзей ва ўзросце старэй за працаздольны. Гэта сведчыць аб адэкватным медыцынскім забеспячэнні пажылых людзей і добрых умовах жыцця, а таксама добрай прафілактыцы захворванняў, лічыць прадстаўнік Міністэрства аховы здароўя.

Святлана БУСЬКО

Выбар рэдакцыі

Грамадства

Амаль кожны дзень на пажарах гінуць людзі. Як не стаць ахвярай агню?

Амаль кожны дзень на пажарах гінуць людзі. Як не стаць ахвярай агню?

З пачаткам ацяпляльнага сезона ў камунальных службаў работы дадаецца ў разы.

Грамадства

Як у маладой рэспубліцы ўвасаблялі амбіцыйны праект універсітэцкага гарадка...

Як у маладой рэспубліцы ўвасаблялі амбіцыйны праект універсітэцкага гарадка...

Асобнае месца займае будынак гімназіі Зубакіна і Фальковіча.

Эканоміка

Баляслаў Пірштук: Будучыня — за «зялёнай» эканомікай

Баляслаў Пірштук: Будучыня — за «зялёнай» эканомікай

З кожным днём на нашых дарогах усё больш электратранспарту.

Грамадства

Добраўпарадкаванне. У гарадах, на сельгаспрадпрыемствах, могілках, уздоўж трас і ў дварах

Добраўпарадкаванне. У гарадах, на сельгаспрадпрыемствах, могілках, уздоўж трас і ў дварах

Да канца года ў краіне павінны ліквідаваць усе міні-палігоны для адходаў.