Рэзідэнт Парка высокіх тэхналогій кампанія «Сакрамэнт ІТ» распрацавала і размясціла ў свабодным доступе эксперыментальны ўзор праграмнага комплексу «Мультымедыйная бібліятэка школьніка».
Як паведамляе прэс-служба Парка высокіх тэхналогій, праграмнае рашэнне дазваляе стварыць для сучасных дзяцей камфортныя ўмовы навучання. Яно будзе ўключаць у сябе ўсе падручнікі, вучэбныя дапаможнікі і факультатыўныя матэрыялы па школьнай праграме з 5-га па 11-ты класы. Праект «Мультымедыйная бібліятэка школьніка» быў распрацаваны па заказе Міністэрства адукацыі і ўключае толькі зацверджаныя вучэбныя дапаможнікі. Плануецца, што ў праграме з'явіцца магчымасць дадаваць і рэдактаваць заметкі і закладкі, будзе наладжана сістэма пошуку па ключавых словах, а таксама даступнай стане функцыя сінтэзу маўлення. Дадатак даступны для Wіndows і Androіd. Гэта значыць, што карыстацца мультымедыйнай бібліятэкай можна будзе і з планшэтаў, і са смартфонаў.
Зараз у свабодным доступе знаходзіцца эксперыментальны ўзор комплексу, які ўключае ў сябе матэрыялы па прадмеце «Біялогія» для 6—11-х класаў. Праграма дазваляе прагледжваць электронную версію падручніка, актывізаваць доступ да гласарыя са спецыяльнымі тэрмінамі і афармляць падпіску на атрыманне больш глыбокіх і пашыраных ведаў са спецыялізаваных крыніц. Дадатак дазволіць школьнікам атрымліваць абнаўленні і мець доступ да дадатковых матэрыялаў па ўсіх школьных прадметах у выглядзе відэаматэрыялаў, малюнкаў і схем, а таксама 3D-мадэляў з магчымасцю іх трансфармацыі. Таксама з дапамогай праграмы можна будзе скарыстацца даведнікам у выглядзе гласарыя.
Надзея НІКАЛАЕВА
З мастацтвам па жыцці.
Баявое ўзаемадзеянне найвышэйшага ўзроўню.
«Дзесяцігоддзі школьнае харчаванне нашых дзяцей будавалася на аснове зборніка рэцэптур».
