І на гэтым тыдні пад уплывам Атлантыкі на тэрыторыі Беларусі захаваецца анамальна цёплае надвор'е, паведаміла рэдакцыі спецыяліст Рэспубліканскага гідраметцэнтра Мінпрыроды Вольга Фядотава.
У аўторак на фоне павышанага атмасфернага ціску без істотных ападкаў. На асобных участках дарог слізка, а максімальная тэмпература паветра ўдзень — 2-7 цяпла. Даволі цёплае надвор'е чакаецца і 25 снежня — на каталіцкае Раство, калі будзе пераважна без ападкаў. Уначы на сераду ад мінус 2 да плюс 3 градусаў, удзень — 1-6 градусаў вышэй за нуль. На дарогах галалёдзіца. У чацвер і пятніцу праз нашу тэрыторыю пройдуць малаактыўныя атмасферныя франты, таму месцамі чакаюцца дажджы, зрэдку мокры снег. На асобных участках дарог галалёдзіца. Тэмпература паветра ўначы ад мінус 2 да плюс 3, удзень — 1-6 цяпла. Такі тэмпературны фон на 6-8 градусаў вышэйшы за норму.
Паводле доўгатэрміновых прагнозаў айчынных сіноптыкаў, такое цёплае надвор'е і дажджы чакаюцца і ў суботу. А вось у нядзелю стане на некалькі градусаў халадней і ападкі чакаюцца ўжо ў выглядзе мокрага снегу і дажджу. Тэмпература паветра ўначы ад мінус 3 да плюс 3 градусаў, удзень — ад мінус 2 да плюс 4 градусаў. Сіноптыкі адзначаюць, што сёлета ў Беларусі гаспадарыць пакуль менавіта «еўразіма».
Сяргей КУРКАЧ.
З мастацтвам па жыцці.
Баявое ўзаемадзеянне найвышэйшага ўзроўню.
«Дзесяцігоддзі школьнае харчаванне нашых дзяцей будавалася на аснове зборніка рэцэптур».
