У Віцебскай абласной філармоніі рыхтуюць сюрпрыз да Дня святога Валянціна. Упершыню тут выступіць легендарны Холмс.
— Акустычны канцэрт эстраднай музыкі «Ці ёсць каханне, скажы...» адбудзецца 14 лютага. У незвычайнай праграме — кавер-версіі хітоў з рэпертуару Стынга, Алы Пугачовай і іншых «зорак», гітарныя п'есы. Гледачам гарантуюцца хвалюючыя імгненні, дзякуючы выдатнаму выканальніцкаму майстэрству музыкантаў і вакалу, — паведамілі «Звяздзе» ў абласной філармоніі.
Тут жа будучыя мамы могуць праслухаць спецыяльны музычны цыкл «Выткаць душу з нот». Цікава, што 15
лютага цяжарныя жанчыны не толькі паслухаюць спецыяльна падабраную для іх музычную класіку ў выкананні артыстаўфілармоніі, але і змогуць выканаць разам з імі нескладаныя вакальныя п'есы. Спецыяльны госць праграмы — псіхолаг — раскажа аб правільным падыходзе давыхавання дзяцей.
У лютаўскай канцэртнай праграме філармоніі (21 лютага.) таксама ўнікальны канцэрт джазавай музыкі з удзелам двухразовага намінанта на прэмію Грэмі Джоэла Холмса. «Самы стыльны піяніст Нью-Ёрка» — так называюць яго ў друкаваных выданнях па ўсім свеце. Скончыўшы кансерваторыю, ён атрымаў ступень бакалаўра мастацтваў у галіне джазавага выканаўства, на працягу многіх гадоў атрымаў мноства музычных узнагарод. Джоэл Холмс выступае па ўсім свеце сола, у дуэтах, трыа. У музыцы Холмса змяшалася шмат стыляў —ад блюза і джаза да духоўнай хрысціянскай музыкі. Віцебскай публіцы будуць прадстаўлены сусветныя джазавыя стандарты, ф'южан-кампазіцыі,імправізацыі, любімыя выканаўцам аўтарскія творы...
Аляксандр ПУКШАНСКІ.
Фіналістка праекта «Акадэмія талентаў» на АНТ — пра творчасць і жыццё.
На гэтым тыдні Цяльцы будуць проста незаменныя ўсюды, дзе іх ведаюць.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
