У курцоў значна горш, чым у тых, хто не курыць, гояцца раны. «Спрыяюць» гэтаму такія складнікі, як нікацін, цыяністы вадарод, вокіс вугляроду, нагадвае інструктар-валеолаг 23-й гарадской дзіцячай паліклінікі г. Мінска Ірына ШЫМАНСКАЯ.
Нікацін паглынаецца ў лёгкіх, дзе трапляе ў кровазварот і зніжае рост эрытрацытаў, фібрабластаў (клетак, неабходных для злучальнай тканкі) і макрафагаў (клетак, якія паглынаюць чужародныя часцінкі). Дадаткова нікацін стымулюе склейванне трамбацытаў, што павялічвае вязкасць крыві. Так фарміруюцца мікразгусткі, якія прыводзяць да капілярнай эмбаліі і ішэміі тканак. Звужэнне сасудаў — другая пабочная з'ява пры ўжыванні нікаціну з-за вылучэння фізіялагічна актыўных рэчываў, якія перашкаджаюць нармальнаму гаенню раны.
Цыяністы вадарод удзельнічае ў змяненні метабалізму кіслароду і яго далейшага размеркавання, чым падаўжае тэрмін загойвання раны.
Вокіс вугляроду здольны звязвацца з гемаглабінам лепш, чым кісларод, што прыводзіць да клетачнай гіпаксіі (кіслароднага галадання), а гэта таксама не спрыяе працэсам гаення.
Сумесныя праекты ядзерных тэхналогій.
У парадку дня — зацвярджэнне Канцэпцыі нацбяспекі і Ваеннай дактрыны.
