Супрацоўнікі Віцебскай мытні канфіскавалі антыкварыят і дзве карціны агульным коштам больш за 359,4 мільёна рублёў.
У аўтамабілі «Вольва», на якім везлі антыкварыят, мытнікі знайшлі прадметы, якія не былі заяўлены ў адпаведных суправаджальных дакументах. Часткі мэблі, мармуровыя стальніцы, свяцільні і г. д. былі канфіскаваны. Сярод іншага былі і дзве карціны вядомага мастака Харашылава, які жыве ў Лондане.
Як растлумачылі ў Віцебскім абласным краязнаўчым музеі, мастак напісаў карціны «Арфей» і «Арфей і Эўрыка» для парыжскага заказчыка. Кожная з карцін была аплачаная — па 4560 фунтаў стэрлінгаў. Карціны ў яго не кралі. Чаму падчас перавозкі іх не ўнеслі ў спіс, пытанне застаецца адкрытым.
— Краязнаўчы музей прызнаў, што названыя прадметы ўяўляюць мастацкую і гістарычную каштоўнасць. Пасля прыняцця судом канчатковага рашэння яны могуць быць канфіскаваны ў даход дзяржавы, — дадалі ў мытным ведамстве.
Аляксандр ПУКШАНСКІ. Фота аўтара.
«Дзесяцігоддзі школьнае харчаванне нашых дзяцей будавалася на аснове зборніка рэцэптур».
Што за таемнымі дзвярыма?